Түүхэн дэх хамгийн бага ирцтэй сонгуулиас хамгийн өндөр хувиар ялсан ерөнхийлөгч тодорч байна
Монгол Улсын Ерөнхийлөгчийг сонгох 8 дахь удаагийн сонгууль болж өндөрлөлөө. Энэ сонгуульд урьдчилсан байдлаар нийт сонгогчдын 59,33% нь санал өгснөөр түүхэн дэх хамгийн бага ирцтэй ерөнхийлөгчийн сонгууль боллоо. 2017 онд 62,8% байсан сонгуулийн ирц энэ удаа ийн үнэмлэхүй буурав.
Энэхүү ирц багатай сонгуулиас хамгийн өндөр хувиар ялсан ерөнхийлөгч тодорч байна. МАН-аас нэр дэвшигч У.Хүрэлсүх одоогийн байдлаар 810,082 хүний санал авч 67.9%-иар ялж явна.
Өмнөх удаагийн сонгуулиар Х.Баттулга нийт сонгогчдын 50,6%-ийн саналыг авч байсан бол түүнээс өмнө 1997 онд Н.Багабанди 60,8%- ийн саналаар ялж байсан нь хамгийн өндөрт тооцогдож байв.