“Хөөрхөн Зүрх” ТББ 14 жилийн турш бэлгийн хүчирхийллийн даван туулагч хүүхэд болон тэдний гэр бүлд сэтгэцийн гэмтэлд суурилсан нийгэм-сэтгэлзүйн зөвлөгөө, заслын үйлчилгээг үзүүлсэн бөгөөд тус үйлчилгээгээ 2026 оны долоодугаар сарын 1-ний өдрөөс эхлэн бүрэн зогсоох болсноо мэдэгдлээ.
Тус төвөөс тодруулахад, бэлгийн хүчирхийллийн даван туулагч хүүхэд болон тэдний гэр бүлд сэтгэцийн гэмтэлд суурилсан нийгэм-сэтгэлзүйн зөвлөгөө, заслын үйлчилгээгээ зогсоож байгаа бөгөөд нөлөөллийн болон бусад төрлийн үйл ажиллагаагаа хэвийн үргэлжлүүлнэ гэдгийг онцолсон юм.
