1 мин

Монголын жүдоч Саид Моллайг "Токио 2020" олимпын ОНЦЛОХ тамирчдын нэгээр нэрлэжээ

Г.Сүрэн 2021.07.22

"Токио-2020" зуны олимпын наадамд олон улсын 11,000 гаруй баг тамирчид оролцоно. Тэгвэл "Time" сэтгүүлээс тамирчдын хурд хүч, авъяас чадвар, дээд амжилт үзүүлэх боломж зэргийг харгалзан 48 тамирчныг онцгойлон үзэхийг санал болгожээ. Уг жагсаалтад Монголын жүдоч Саид Моллайг онцлон дурдсан бөгөөд дараах тайлбарыг оруулсан байна. Моллай нь Бакуд болсон ДАШТ-ий алт, Будапештад болсон ДАШТ-ий хүрэл медальтай тамирчин юм.

"Саид Моллай Токио руу буцаж гашуун дурсамжаа арилгахаар шийджээ. Иранд төрсөн жүдоч 2019 онд Техраны (Ираны нийслэл) шийдвэрээр Японы нийслэлийг зорих байсан боловч Ираны тусгаар улс хэмээн зөвшөөрдөггүй Израилийн өрсөлдөгчтэй хагас шигшээд шалгарахад барилдалгүй шууд ялагдал хүлээхийг албадсан байдаг. Үүнд багагүй цухалдсан Моллай ахин Иран руу буцаагүй бөгөөд 2019 онд Монголын иргэншлийг авч, 2020 оны олимпын наадамд Монголын нэрээр оролцохоор болсон юм. 2018 оны Дэлхийн аварга, 29 настай Моллай өдгөө Израилийн багтай дотно нөхөрлөх болсон бөгөөд хамгийн хүчтэй өрсөлдөгч нартайгаа хамтдаа бэлтгэл хийсээр иржээ. Тэр энэ тухайгаа Олон Улсын Жүдогийн Холбоонд "Хэзээ ч марташгүй зүйл" хэмээн хэлсэн юм"

"Time" сэтгүүлээс нэрлэсэн 48 тамирчны жагсаалтыг эндээс хараарай.

Эх сурвалж: Time.com