АНУ-ын реппер Logic "1-800-273-8255" буюу тус улсын Амиа хорлолтоос урьдчилан сэргийлэх төвийн утасны нэртэй дуугаа MTV-ийн шагнал гардуулах ёслол дээр дуулснаас хойш тус төвд ирэх дуудлага 50 хувиар нэмэгдсэн тухай судалгаа гарчээ.
"1-800-273-8255" дуу цацагдсан эхний 34 өдрийн дотор тус төвд ирдэг дуудлага 10 мянгаар нэмэгджээ. Мөн энэ хугацаанд 10-19 настай хүүхдүүдийн амиа хорлолт 5.5 хувиар буурч, хүүхдүүд утсаар сэтгэл зүйчтэй холбогдон, зөвлөмж тусламж авчээ.
Дуунд "Намайг хэн нэгэн авраач гэж би залбирсан. Хэн ч баатар биш шүү дээ... Тэгээд ч миний амьдрал тийм ч хамаагүй ээ, би мэднэ. Би үнэхээр мэднэ... Тэд хүн бүрийн амь нас үнэ цэнтэй гэж хэлдэг ч үнэндээ миний амьдралыг ойшоох нэгэн алга... Гэхдээ..." гэх зэргээр тус төв рүү залгаж, тусламж авахыг уриалдаг аж.
Судалгааны дүнг сонссон Logic "Хөгжим үнэхээр бидний амьдралд нөлөөлдөг. Бид энэ дууга бусдад туслахыг хүссэн халуун дулаан сэтгэлээр бүтээсэн. Үнэхээр үүнийгээ хийж чадсан тухай дуулаад би үнэхээр балмагдсан" гэжээ.
Эх сурвалж: CNN
