2 мин

Ухаалаг иргэн бүрийн мэддэг "Гэрэгэ Системс"-ийг сонгох 5 шалтгаан

Ub.life 2022.05.14

Бичиг баримт хөөцөлдөх гэж бүтэн өдрийг өнгөрөөдөг цаг ард хоцорчээ. Олон төрлийн хэрэгцээт үйлчилгээг нэг дороос авах боломжтой "Гэрэгэ Системс"-ийг яагаад сонгох хэрэгтэй гээч?

#1 Түүнийг хэзээд хаанаас ч олж болно

“Гэрэгэ Системс” ХХК-ийн харъяа "Гэрэгэ Киоск"-ийг та хотын хаанаас ч олж болно. Улаанбаатар хотод 140 киоск, хөдөө орон нутгийн 19 аймагт 40 гаруй киоск бий. Ихэвчлэн хөл хөдөлгөөн ихтэй газруудад байрладаг тул “Гэрэгэ Киоск”-ыг олоход үнэхээр хялбар.

#2 Ашиглахад үнэхээр амархан

“Гэрэгэ Системс” нь найман настай балчраас наян настай буурай хүртэл учрыг нь олж чадахаар хялбар, ойлгомжтой үйлчилгээтэй. Мөн ихэнх салбаруудад бидэнд туслах зорилгоор “Гэрэгэ киоск”-ын мэргэшсэн ажилчид байдаг тул та ямар ч хүндрэлгүйгээр, хүссэн үйлчилгээгээ түргэн шуурхай авах боломжтой.

#3 "ЭрүүлМН"-ийн ач тус

Дэлхий нийтийг хамарсан "Ковид-19" цар тахлын хүнд үед "Гэрэгэ Системс"-ийн чадварлаг инженерүүд өөрсдийн ур ухаанаа гарган "ЭрүүлМН" цогц системийг хөгжүүлсэн нь иргэд бидэнд асар их дэм болсон билээ. Эл цогц системийг ашигласнаар шинжилгээ өгөх гэж эмнэлэг дээр оочирлон олон цагийг үрэлгүй, өөрт ойр шинжилгээний цэгийг сонгон цагаа аван, хариугаа 24 цагийн дотор түргэн шуурхай хүлээн авах "алтан боломж"-ийг бидэнд олгосон.

Мөн "Гэрэгэ аппликейшн"-г ашиглан авто машины татвар болон торгууль, улсын бүртгэлийн ерөнхий газрын үйлчилгээ, орон нутгийн автобусны тасалбар захиалах зэрэг бүх үйлчилгээг нэг дороос авах боломжтой гэнэ шүү.

#4 Ухаалаг пос үнэхээр л ухаалаг!

Нүсэр кассын системийг орлох зорилготой “Гэрэгэ Ухаалаг ПОС” нь жижиг дунд үйлдвэр эрхлэгчдийн дунд “од” болоод байгаа билээ. Учир нь эл пос машин нь И-Баримт гаргахаас эхлэн, бараа материалын үлдэгдэл тооцох, орлого зарлагаа хянах зэргийг багтаасан цогц, ухаалаг кассын программ юм.

#5 Байгаль орчинд ээлтэй сонголт

Эх дэлхийгээ хайрлаж, уур амьсгалын өөрчлөлттэй тэмцэх хялбар алхмуудын нэг бол “Гэрэгэ Системс”-ийг ашиглах явдал юм. Төрийн үйлчилгээг авах гэж олон цаг түгжрэхийн оронд өөрт ойр “Гэрэгэ Киоск” машиныг сонгох нь нүүрсхүчлийн хийг бууруулахад дэм болж чадна. Сонирхуулахад, “Гэрэгэ Ухаалаг ПОС” машин нь таны мэйл хаяг руу явуулах боломжтой онлайн баримтын үйлчилгээг нэвтрүүлэн, ой модоо хайрлах боломжийг бидэнд олгосон билээ.