1 мин

Монголын футзалын шигшээ баг 15:0-ээр Японы шигшээ багт хожигдлоо

У.Чинзориг 2022.05.20

2

Азийн хөлбөмбөгийн холбооны футзалын Цомын тэмцээний урьдчилсан шатны Зүүн бүсийн тоглолтууд Малайзын "Панасоник" спорт комплекст үргэлжлэн явагдаж байна. Монголын футзалын шигшээ баг өчигдөр гурав дахь тоглолтоо Японы шигшээ багтай хийж, үндсэн цагт 15:0 гэсэн үр дүнгээр хожигдов. Урьдчилсан шатны хүрээнд Зүүн Азийн бүсийн таван баг хоорондоо өрсөлдөж хэсгийнхээ эхний гурван байрт шалгарсан багууд есдүгээр сард Кувейт улсад явагдах шигшээ шатанд өрсөлдөх эрхээ авах юм. Монголын футзалын шигшээ баг эхний тоглолтоо Хонконгтой хийж 1-1 харьцаатай тэнцсэн бөгөөд харин хоёр дахь тоглолтодоо БНСУ-ын шигшээ багт 6:0-ээр хожигдсон билээ. 

Тэд өнөөдөр 17:00 цагаас хэсгийнхээ сүүлийн тоглолтыг Тайванийн шигшээ багтай хийх юм. Өмнө нь Тайванийн багтай гурван удаа таарч тоглохдоо хоёр хожигдож, нэг тэнцээд буй. 

У.Чинзориг 2022.05.20

2