1 мин

Сагсан бөмбөгийн 3х3 төрлийн Үндэсний шигшээ багууд өнөө шөнө ДАШТ-д тоглоно

У.Чинзориг 2022.06.22

Бельгийн Антверпен хотноо сагсан бөмбөгийн 3х3 төрлийн ДАШТ өчигдөр эхэлж, эрэгтэй, эмэгтэй тус бүр 20 баг өрсөлдөж байна. Монголын эрэгтэй шигшээ баг “B” хэсэгт Литва, Герман, Тайвань, Чилийн багуудын хамт ороод буй. Тэд өнөө шөнө 00:00 цагаас Тайваньтай эхний тоглолтоо хийнэ. Мөн үүрээр буюу 3:10 цагт Литвтэй тоглох юм. Эрэгтэй шигшээ баг Д.Дэлгэрням, Э.Дөлгөөн, А.Ананд, О.Энхбаатар нарын бүрэлдэхүүнтэйгээр оролцож байна.

Харин эмэгтэй шигшээ баг Польш, Египет, Доминикан болон тэмцээнийг зохион байгуулагч Бельгийн хамт “С” хэсэгт өрсөлдөх билээ. Тэд өнөө орой 23:30 цагаас Бельгитэй тоглоно. Улмаар 2:15 цагаас Польштой өрсөлдөх юм. Үндэсний эмэгтэй шигшээ баг Б.Болор-Эрдэнэ, О.Хулан, Б.Ариунцэцэг, М.Цэрэнлхам гэсэн бүрэлдэхүүнтэйгээр энэ удаагийн тэмцээнд оролцоно.