Сүүлийн 30 орчим жилийн тоон үзүүлэлтээр ганцаардмал, ганц бие эрэгтэйчүүдийн тоо өсөх хандлагатай байгааг судлаачид онцолж байна. Тухайлбал, 2019 оны байдлаар болзооны апп хэрэглэгчийн 62 хувийг эрэгтэйчүүд эзэлж байгаа юм.
Сэтгэл судлаач Грег Матосын тайлбарлаж буйгаар энэ нь хэд хэдэн шалтгаантай аж. Тэрбээр Psychology Today сэтгүүлд бичсэн нийтлэлдээ орчин цагийн эрэгтэйчүүдийн хамгийн том асуудал бол харилцааны ур чадвар дутмаг байдал гэжээ. Түүнчлэн эмэгтэйчүүдийн өндөр стандартад хүрч чадахгүй байгаагаас үүдэн эрэгтэйчүүд хэзээ хэзээнийхээс илүү ганцаардаж, удаан хугацааны турш ганц бие явахад хүрч байна хэмээжээ.
Матосын хэлж буйгаар 25-45 насны эмэгтэйчүүд сэтгэл хөдлөлийн хувьд тогтвортой, нээлттэй, харилцааны ур чадвар сайтай, өөртэй нь адилхан амьдралын үнэ цэнтэй эрчүүдийг эрхэмлэх болсон гэнэ.
Харилцааны ур чадвар, түүний ач холбогдлыг хөвгүүдэд багаас нь эзэмшүүлж чадаагүй нь ганц бие эрчүүд нэмэгдэх суурь шалтгаан болж байгааг онцолсон байна. "Хүн аз жаргалтай байхын тулд заавал харилцаанд байх албагүй ч хамтрагчтай эрэгтэйчүүд илүү аз жаргалтай, эрүүл байдаг" гэж Матос бичжээ.
Эх сурвалж: Daily Mail
