Алдарт реппер Снүүп Дог "Doggyland - Kids Songs & Nursery Rhymes" нэртэй хүүхдүүдэд дуу, бүжиг, реп заадаг, хөгжилд нь чиглэсэн Youtube хуудас нээжээ. Нярайгаас авахуулаад 8 настай хүүхдэд зориулагдсан өнгөлөг дүрүүдтэй, хөгжилтэй бичлэгүүд нь хүүхдүүдийн анхаарлыг ч ихээр татаад байгаа юм.
“Head Shoulders Knees & Toes”, “Wheels on the Bus” зэрэг хүүхдийн алдартай дуунуудыг тэрээр өөрийн хэв маягт оруулан дуулсан байна.
Тус хуудас дээр байрлаж буй бичлэгүүд тоо, үсэг, амьтад, зөв хэвшил, сайн үйлс, ариун цэвэр хэрхэн сахих, бусдыг хэрхэн хүлээн зөвшөөрч найзлах гэх мэт агуулгатай аж.
Тэрээр "Аав бас өвөөгийн хувьд хүүхдүүдэд зориулсан эерэг, таатай орчин бүрдүүлж, боловсролд нь анхаарах үнэхээр чухал гэж боддог. Би хүүхэд болгон, хүн болгон хүссэнээрээ үзэж болдог нээлттэй, гоё контент бүтээхээр ажиллаж байна" гэжээ.
Арай л хөөрхөн үү?
