Бид эргэн тойрноо байнга сонирхон, бусдаас өдөр бүр асуулт асуудаг ч өөрөөсөө тэр бүр асуулт асуудаг бил үү? Шинэ оноос өмнө өдөр бүр өөртөө 1-5 минут гарган, өөрийгөө болон хорвоо ертөнцийг танин мэдэх сонирхолтой асуултуудад хариулцгаах уу? Тэгвэл наашаа суу. Өөртөө ачаалал өгөлгүй 2 өдөрт 1 асуулт гэж журмаар шинэ он хүртэлх 44 хоногт дараах 22 асуултыг өөрөөсөө асуун дуусгаарай.
#1 Би 44 хоногийн дараа буюу шинэ он гарахаас өмнө юу хиймээр байгаа вэ?
#2 Миний сурсандаа огт харамсдаггүй, олзуурхаж явдаг зүйл юу вэ?
#3 Би ямар үнэ цэн, ур чадвар, онцлогтой хүн бэ?
#4 Би юуны тухай, ямар сэдэв чиглэлийн зүйлсийг хамгийн сайн мэддэг вэ?
Хүүе хүүе, чи U brand-ийн залууст зориулсан танин мэдэхүйн сонирхолтой асуултууд бүхий “U Quiz: 1 асуулт” эхэлснийг мэдсэн үү? Энэ оныг дуустал мессэжээр ирэх 1 асуултад зөв хариулаад л дата, ярианы эрх, нэмэлт багц зэрэг бэлгийн эзэн болоорой. Зөв хариулах бүрт PlayStation 5, зөөврийн компьютер, ухаалаг гар утас зэрэг бүр ч гоё бэлгүүд хүлээж байгаа гээд бод доо?
Танин мэдэхүйн мэдлэгтэй болохын зэрэгцээ гоё гоё бэлэг аваарай.
Яг одооноос эхлэн асуултдаа хариулах бол ЭНД даран дэлгэрэнгүй мэдээлэл аваарай.
#5 Хэрвээ өөрийн хамгийн сайн мэддэг туршлагаа бусдад хуваалцах болбол тэр нь юу байх бол?
#6 Хэрвээ насан туршдаа нэг л ажил хийж амьдрах бол тэр нь одоогийн ажил мөн үү?
#7 Би хэзээ, ямар үед, ямар орчин нөхцөлд хамгийн их аз жаргалтай байдаг вэ?
#8 Би хэзээ, ямар үед хамгийн их гунигтай байдаг вэ?
#9 Хамгийн өндөр хүлээлттэйгээр төсөөлбөл ирэх онд юуг хийсэн байгаасай гэж хүсэж байна?
#10 Хамгийн бага хүлээлттэйгээр төсөөлбөл ирэх он "ямархуу" өнгөрөх бол?
#11 Ямар үед би огт санаа зовох зүйлгүй, амар тайван байдаг вэ?
#12 Би өөрийнхөө эрүүл мэндийн төлөө өдөр тутам юу хийдэг вэ?
#13 Намайг нэг дуугаар тодорхойлбол би ямар дуу бол?
#14 Өнгөрсөн оныг гурван үгээр тодорхойлбол юу байх вэ?
#15 Өнгөрсөн онд хэнтэй уулзаж танилцсандаа би хамгийн их баяртай байгаа вэ?
#16 Энэ жилийн шилдэг ном, кино, хөгжим юу байв?
#17 Жилийн өмнөх өөртэйгөө уулзвал юуг захихыг хүсэх вэ?
#18 Жилийн өмнө огт өөрөөр боддог байсан зүйлээ энэ онд өөр өнцгөөс харсан тохиолдол юу билээ?
#19 Энэ жил уншсан мэдсэндээ талархаж буй зүйл?
#20 Миний хувьд "төгс өдөр" гэж юу вэ? Өглөөг хэрхэн эхлүүлээд, юу хийвэл урамтай, баяр хөөртэй байж чадах бол?
#21 Энэ онд ямар сайн дадалтай болов? Яагаад энэ дадал надад төлөвшсөн бэ?
#22 Жилийн дараа би өөрийн ямар чанараа хэвээр авч үлдэхийг хүсэх вэ?
