1 мин

Ус бага уудаг хүмүүс илүү хурдан хөгширдгийг судалгаагаар тогтоов

П.Номинбилэг 2023.01.04

11 мянга хүний мэдээллийг шинжин 30 гаруй жил хийсэн судалгааны үр дүнд судлаачид ус бага уудаг хүмүүсийн архаг өвчин тусах магадлал мэдэгдэхүйц их байдаг хийгээд илүү хурдан хөгширдгийг тогтоожээ. “eBioMedicine” сэтгүүлд нийтлэгдсэн уг судалгаанд цусан дахь натрийн хэмжээ, өвчин, хөгшрөлийн хамаарлыг авч үзсэн байна. Ус бага уудгаас цусан дахь натрийн хэмжээ нь ихэссэн хүмүүсийн зүрх судасны өвчин тусах магадлал ихэсдэг нь мөн уг судалгаагаар тодорхой болсон юм. 

Судалгааны дүнг нот байлгахын тулд судлаачид натрийн хэмжээ нь бусад шалтгаанаар их буй хүмүүсийг оролцуулаагүй аж. Цусан дахь натрийн хэмжээ нь хэвийн хэмжээнээс давсан буюу 145 ммоль/л-ээс давсан хүмүүсийн харвалт, зүрхний шигдээс болох, уушги өвчлөх, дархлааны тогтолцоо доголдох, тэнэгрэх (dementia) магадлал 64 хувиар өссөн нь ажиглагджээ. Эрүүл мэндэд хэрхэн нөлөөлж буйг тогтоохдоо цусны дээд даралтын түвшин, холестерины, сахарын хэмжээ зэрэг 15 үзүүлэлтийг харьцуулж судалсан байна. Дэлхийн нийт хүн амын тал орчим нь хангалттай ус ууддаггүй талаар мөн тус судалгааг хийсэн эрдэмтэд онцлов. 

П.Номинбилэг 2023.01.04