UBLife Logo
Спорт

Улсын шинэхэн гарьд Ц.Бямба-Отгоныг "унагасан" шийдвэр шүүмжлэл дагуулав

У.Чинзориг
У.Чинзориг
Улсын шинэхэн гарьд Ц.Бямба-Отгоныг "унагасан" шийдвэр шүүмжлэл дагуулав

Өнөө жил таван аймаг тэгш ойгоо тэмдэглэхээс өнөөдөр дөрвөн аймагт нэгэн зэрэг наадам болж байна. Тэдгээрээс Хэнтий аймгийн 100 жилийн ойн барилдаанд улсын аварга П.Бүрэнтөгс, О.Хангай нарын тэргүүтэй 256 бөх зодоглож буй.

Өнөөдөр бөхийн барилдааны гурвын даваанд улсын шинэхэн гарьд Ц.Бямба-Отгон, Хэнтий аймгийн Бор-Өндөр сумын харъяат сумын заан Р.Алтаннаранд унасан нь шүүмжлэл дагуулав. Учир нь барилдааны явцад сумын заан Алтаннаран гарьдыг зоригтой хутгасан ч тохойгоороо түрүүлж газарт хүрсэн юм. Гэвч хөлийн цэцүүд шударга бус шийдвэр гаргаж сумын заанд давааг өгсөн нь ийн шүүмжлэлд өртөөд байна.

Түүнийг хэлсэн мэтээр сул үг олон нийтийн сүлжээнд тарсан ч харин гарьд цахим хуудаснаа "Би бичлэг үзээд түрүүлж газарт хүрсэн бол тахимаа өгье ээ л гэсэн, өөр юм яриагүй ээ" гэж бичжээ.

Ц.Бямба-Отгон өнөө жилийн улсын наадмаар Д.Хүдэрбулга, Ш.Пүрэвгарьд, Б.Пүрэвсайхан нартай тунаж, даян аварга Н.Батсуурьт амлуулж барилдан давснаар улсын гарьд цолонд хүрсэн билээ.

Хэнтий аймгийн 100 жилийн ойн баяр наадмын тавын даваа тун удахгүй эхэлнэ.

ЭНЭ МЭДЭЭНД ӨГӨХ ТАНЫ СЭТГЭГДЭЛ?
0
0
0
0
0
3
1
1

СЭТГЭГДЭЛ БИЧИХ
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.