Тоглоом бүтээгч "Mattel" компани шинэ "Uno" тоглоомонд зориулан долоо хоногийн 4444 ам.долларын цалинтай ахлах тоглогчийн ажлын байр зарлажээ.
Компаний албан ёсны хаягаас TikTok сүлжээнд "Ахлах Uno тоглогч" хайж байна гэх видео цацсан нь олныг гайхшируулаад байна. Цалинтай тоглогчийг сонгон шалгаруулж авах бөгөөд есдүгээр сараас эхлэн Нью-Йоркт байрлан ажиллах гэнэ.
Тоглогч долоо хоногийн дөрвөн өдөр, өдөрт дөрвөн цаг "Uno" тоглох ёстой бөгөөд 18-аас дээш насны, англи хэлтэй хэн бүхэн өргөдлөө илгээх боломжтой аж.
"Mattel" компаний дарга Рэй Адлер "Тоглоомыг тоглож байж хөгжүүлдэг. Тэгэхээр шинэ тоглогч бол шинэ хөгжүүлэгч л гэсэн үг. Бид энэхүү ажлын байрыг зарлан тоглоомыг ер бусын байдлаар мэдэрч, хөгжүүлэх нэгнийг хайж байна" гэжээ. Шалгарсан ахлах тоглогч цааш цаашдаа "Uno" тоглоомын сошиал дүр төрх болж, дэлхий даяар танигдах ч боломжтойг тэр онцолжээ. Ажлын өргөдөлтэй энд дарж танилцаарай.
Эх сурвалж: Independent
