Тесла, SpaceX компаниудын үүсгэн байгуулагч, АНУ-ын тэрбумтан Элон Маск, түүний эхнэр Гримс нар анхны хүүхдэдээ "X Æ A-12", дараагийн хүүхдэдээ "Exa Dark Sideræl Musk" гэх өвөрмөц нэр өгөн олныг гайхшируулж байв.
Тэгвэл тэд өнгөрсөн зун мэндэлсэн гурав дахь хүүхдэдээ "Tau Techno Mechanicus" буюу товчоор "Tau" гэх нэр өгсөн нь ил боллоо. Хүүхдийн энэхүү нэрийн "Tau" гэх эхлэл нь Пи тоог хоёр дахин үржүүлсэн иррационол тоог илэрхийлдэг грек үсэг юм. 3.14 гэх тоог хоёр дахин үржүүлсэн 6.28 гэх тоо нь Элон Маскын төрсөн өдөр юм.
Харин "Techno" гэх хэсэг нь техно хөгжмийг, "Mechanicus" гэдэг нь механикийн ур чадвар, механикч гэх утгатай грек үгнээс гаралтай талаар зарим хүмүүс таамаглаж байна.
52 настай Элон Маск нь 2018 онд Канадын дуучин Гримстэй гэрлэн гурван хүүхэдтэй болсон бол өмнөх эхнэрүүдээсээ найман хүүхэдтэй юм.
Эх сурвалж: Pagesix
