1 мин

Ромелу Лукаку шигшээ багт оруулсан гоолын тоогоороо Пелетэй тэнцлээ

У.Чинзориг 2023.09.13

Өнгөрсөн шөнө "Евро 2024" тэмцээний урьдчилсан шатны хүрээнд Бельгийн шигшээ Эстонийн багийг 5:0-ээр хожлоо.

Тус тоглолтод Ромелу Лукаку хоёр гоолыг оруулсан юм. Ийнхүү тэрээр Бельгийн шигшээ багийн төлөөх 77 дахь гоолоо бүртгүүлж, шигшээ багт оруулсан гоолын тоогоороо Пелетэй тэнцжээ.

Неймар өнгөрсөн долоо хоногт Пелегийн амжилтыг гүйцэж, Бразилийн бүх цаг үеийн шилдэг мэргэн буучдын жагсаалтыг 79 гоолтойгоор тэргүүлэх болсон.

Харин Лукакугийн хувьд, 110 тоглолтод 77 гоол оруулсан үзүүлэлтээр Бельгийн бүх цаг үеийн шилдэг мэргэн буучдын жагсаалтыг хол илүү тэргүүлдэг. Түүний ард Эден Азард 33 гоолтойгоор бичигдэж байна.

Шигшээ багт Ромелу Лукакугаас олон гоол оруулсан ердөө 11 хөлбөмбөгчин байдаг. Эл жагсаалтыг Криштиано Роналду 123 гоолтойгоор тэргүүлж байна.