2 мин

Үзсэн хүн бүрийг "инээж уурлахын засварт" эвгүйцүүлдэг хамгийн "cringe" 9 кино

Г.Сүрэн 2023.09.19 1

Эвгүйцэм, инээмээр ч юм шиг уурлаж уйлмаар ч юм шиг, ер нь л маш эвгүй дуу дүрслэл утга агуулгатай "cringe" кинонуудыг "Rotten Tomatoes" платформын үзэгчдийн жагсааснаар хүргэе. 

#1 'Ballistic: Ecks vs. Sever' (2002)

Антонио Бандерас, Люси Лю зэрэг чадварлаг жүжигчдийн тоглосон уг киног "Rotten Tomatoes"-ийн үзэгчид "Бүх цаг үеийн хамгийн эвгүй, муу кино" гээд ердөө 3 оноо өгчээ. "Яая гээд байгаа нь мэдэгдэхгүй", нойр хүрэм, гунигийн, гэхдээ инээдтэй ч юм шиг кино гэж тодорхойлж болох юм. 

#2 'One Missed Call' (2008)

"Tomatometer" дээрх бүх цаг үеийн хамгийн муу үнэлгээтэй аймшгийн кино. Аймшгийн, инээдтэй ч гэмээр нүүр будалттай дүрүүд гарч ирэхэд үнэхээр "cringe" мэдрэмж төрөх болно. Нэг үзэгч бүр "Унтахдаа энэ киног эхлүүлчихвэл сайн бөх унтана" гэсэн байна шүү.

#3 'Left Behind' (2014)

Николас Кейжийн тоглосон кино бүр өндөр амжилтад хүрсэн бол энэ киног нь үзэгчид бүү хэл өөрөө ч мартах дөхжээ. Итгэл бишрэл дээр суурилсан кино боловч үйл явдал, гол дүрийн утгагүй сонголтууд таныг залхааж, "cringe" инээмсэглэлтэй үлдээх болно. 

#4 'Jaws: The Revenge' (1987)

Бүхэлдээ муу кино биш ч 3D хэлбэрээр бүтээгдсэн нь олон хүний сэтгэл хөдлөлөө чухам хэрхэн мэдрэхэд эргэлзүүлсэн кино. Инээмээр ч юм шиг, гайхмаар ч юм шиг нэг тийм эвгүй ... 

#5 Gotti' (2018)

"The Godfather" киноны дүрүүд эсрэг ертөнцөд байгаа мэт тун эвгүй шийдвэрүүдээр дүүрэн кино. Яая ч гээд байгаа юм... 

#6 'Pinocchio' (2002)

Пиноккиогийн тухай маш олон кино бүтээл гараад байгаагаас хамгийн эвгүй, сонирхолтой шийдэл бүхий бүтээл. Зарим дүрүүдийг илт өөрчилж, хувиргасан нь зарим үзэгчид сонирхолтой байж ч мэдэх юм. 

#7 'Superbabies: Baby Geniuses 2' (2004)

"Сүпер хүч чадалтай хүүхдүүд зүүдэнд тань орох вий" гэж зарим үзэгч тун муу үнэлгээ өгчээ. Зарим хэсэг нь эвгүйцмээр бүдүүлэг байсанд олон үзэгч дургүйцсэн гэнэ шүү. 

#8 'Gold Diggers' (2003)

Хоёр бүтэлгүй залуу хөвгүүн чинээлэг эмэгтэйчүүдийг татахаар аялалд гарна... Гол үйл явдал гэхээр зүйлгүй, бүхэлдээ л нэг тийм эвгүйцмээр "cringe" мэдрэмж төрүүлэх кино. Кино л юм даа... 

#9 'The Last Days of American Crime' (2020)

IMDb дээр 3.8 үнэлгээтэй Netflix-ийн уг киноны үйл явдлууд уялдаа холбоогүй, хулгай дээрмийг урлаггүй бүдүүлэг байдлаар гаргасанд олон үзэгч эвгүй сэтгэгдэлтэй үлдсэнээ онцолжээ. 

Эх сурвалж: Rotten Tomatoes

Г.Сүрэн 2023.09.19