Дани улсын уран бүтээлч Женс Хаанинг тус улсын хүн амын жилийн дундаж орлогыг илэрхийлэн хоосон канвас дээр 76 мянган ам.доллар буюу 532 мянган голланд крон бүхий бэлэн мөнгөн дэвсгэртүүд наасан хоёр бүтээлийг Кунстэний музейд байрлуулжээ. Нэг бүтээл нь "Даничуудын жилийн дундаж орлого", нөгөө нь "Австрийн жилийн дундаж орлого" гэх нэртэйгээр 2007-2010 онд бүтээгдэж байжээ.
Музейн зүгээс уран бүтээлчийн бүтээлдээ хэрэглэсэн 532 мянган голланд кроныг өөр бусад зардлын хамт санхүүжүүлж, гэрээ байгуулан нэг ёсондоо "захиалгын ажил" хийлгэсэн байна. Харин Женс Хаанинг өнгөрсөн онд уг бүтээлээ музейгээс буцаан авахдаа наалттай мөнгөн дэвсгэртүүдийг авч, хоосон канвасуудыг музейд буцаажээ. Шинэ бүтээлдээ "Мөнгийг аваад зугтаа" гэх нэр өгсөн гэнэ. Хоосон канвасуудыг музейд байрлуулсан бөгөөд музейн зүгээс бүтээлд наасан байсан мөнгийг уран бүтээлчээс нэхэхэд эргүүлэн өгөхөөс татгалзаж, шүүхийн шатанд хэргийг шийдвэрлэхээр болсон байна.
Женс Хаанинг нь 1990 оноос хойш нийгмийн асуудал, давхраажлыг илэрхийлсэн уран бүтээлүүдээрээ нэрд гарсан уран бүтээлч юм. Тэр маргааны тухай "Энэ хулгай биш. Гэрээний дагуу би тэдний өгсөн мөнгийг уран бүтээлдээ зарцуулж, тодорхой хугацаанд хүмүүст дэлгэн үзүүлээд эргүүлэн өөртөө авсан. Уран бүтээлчдийг хэрхэн үнэлдгийг хараасай гэсэндээ "Мөнгийг аваад зугтаа" гэх нэр өгсөн" гэжээ.
Эх сурвалж: CBS news
