Blackpink хамтлагийн дөрвөн гишүүдийн YG энтертейнменттэй байгуулсан гэрээ энэ онд дуусаж буй. Хамтлагийн гоцлол бүжигчин, реппер Лиза тус компаний санал болгосон 50 тэрбум воны хоёр ч гэрээний шинэчлэлээс татгалзаж, Жисү, Женни, Лиза нар өөр лабелуудтай гэрээ байгуулж буй талаар эх сурвалжууд мэдээлжээ. Харин Розе YG энтертейнменттэй байгуулсан гэрээгээ шинэчилж буй нь тодорхой болоод байна.
Хамтлагийн гурван гишүүн гэрээгээ дуусгаснаар YG-ийн хувьцаа хэдхэн хоногийн дотор 13.2 хувиар буурчээ. Reuters агентлагийн мэдээлснээр YG энтертейнментийн гэрээний яриа хэлэлцээ үргэлжилж байгаа бөгөөд эцсийн шатанд шийдэгдээгүй байгаа аж.
Ямартай ч хамтлагийн гишүүд YG-аас гарсан ч гараагүй ч ирэх зургаан сарын хугацаанд Blackpink хамтлаг тарахгүй, хамтдаа үйл ажиллагаанд оролцох гэрээний заалттай юм.
Blackpink хамтлаг нь энэ сарын 17-нд Сөүл хотноо "Born Pink" аялан тоглолтоо дуусгасан нь к-поп охидын хамтлагийн хийсэн түүхэн дэх хамгийн том дэлхийн аялан тоглолт болсон юм. Дэлхийн 34 хотод болсон 66 удаагийн тоглолтыг нийт 2.11 сая хүн үзсэн байна. Blackpink хамтлаг нь Billboard-ийн шилдэг 200 дууны жагсаалтыг тэргүүлсэн анхны охидын хамтлаг бөгөөд YoutTube-д хамгийн олон үзэгчтэй хөгжмийн сувгаар Гиннесийн дээд амжилтыг эзэмшдэг билээ.
Эх сурвалж: CNBC
