1 мин

Английн хамгийн өндөр орлоготой клубээр "Манчестер Сити" тодорлоо

У.Чинзориг 2023.11.16

"Манчестер Сити" клуб 2022-23 оны улирлын санхүүгийн тайлангаа нийтлэв. Тэд энэ зуурт 712 сая фунт стерлингийн орлого олж, Премьер лигийн шинэ дээд амжилтыг зарлалаа.

"Манчестер Сити" клуб өнгөрсөн улиралд гурван тэмцээний цомыг өргөж, түүхэн дэх шилдэг амжилтаа толилуулсан билээ.

Тэд өнгөрсөн улиралд телевизийн шууд дамжуулалтаас 299,4 сая фунт стерлингийг халаасалсан бол сурталчилгааны төлбөрт 341,4 сая фунт стерлингийн орлого төвлөрүүлсэн ажээ.

Мөн Сити эл тайланг танилцуулахдаа Премьер лигийн өөр нэг дээд амжилтыг шинэчилсэн. Манчестер Сити өнгөрсөн улиралд 520 ажилтанд 422.9 сая фунтийн цалинг олгожээ. Энэ нь өмнөх оноос 69.1 сая фунтээр буюу бараг 20 хувиар өссөн дүн юм.

У.Чинзориг 2023.11.16