1 мин

А.Дуламсүрэн өсвөр үеийнхний жүдо бөхийн Азийн аваргад түрүүллээ

У.Чинзориг 2023.11.18 1 1

Узбекистаны нийслэл Ташкент хотноо 11-р сарын 16, 17-ний өдрүүдээр өсвөр үеийнхний жүдо бөхийн Азийн АШТ явагдаж өндөрлөлөө. Тус тэмцээнд Монголын 15 тамирчин зодоглосон. 

Улмаар 70 кг-ийн жинд барилдсан Айлтгүйбаатарын Дуламсүрэн Узбекистан, Казакстаны тамирчдыг дараалан ялж, Азийн аварга боллоо.

Тэрбээр энэ зун Хонгконгод болсон Азийн цомын тэмцээний өсвөр үе болон залуучуудын ангилалд аль алинд нь түрүүлж, Макаод явагдсан Азийн цомын тэмцээнээс өсвөр үеийнхний ангилалд хүрэл медаль хүртсэн амжилттай тамирчин юм. Мөн 2023 онд өсвөр үеийнхний Монгол Улсын аваргад түрүүлсэн.

У.Чинзориг 2023.11.18