The MongolZ баг Арабын Нэгдсэн Эмират улсын Абу Даби хотноо зохиогдсон S-Tier буюу хамгийн өндөр түвшний тэмцээнүүдийн нэг болох YaLLa Compass 2024 тэмцээнд түрүүлж $200,000-ийн эзэд боллоо. The MongolZ багийн тамирчид, дасгалжуулагч Маараа болон арын албаны хамт олонд том баяр хүргэе!
Саяхан тэд Улаанбаатар хотноо болсон 100 мянган ам.долларын шагналын сантай "Nomadic Masters" тэмцээнд түрүүлсэн билээ. Тэд ийнхүү хоёр тэмцээн дараалан гранд финалд шалгарч, түрүүлж байна.
Тэдний дараагийн аялал Швед улс бөгөөд 6/14-с 6/16-ны хооронд зохиогдох ESL Challenger Jonkoping 2024 тэмцээнд оролцох юм.
Мөн тэд уг тэмцээнд үзүүлсэн амжилтаараа ESL World Ranking дээрээс 195.5 оноог авах бөгөөд ингэснээрээ ирэх намар Малта арал дээр зохиогдох ESL Pro League S20 тэмцээнд уригдах боломжоо баталгаажуулж байна.
