2020 онд Нийслэлийн төсвийн хөрөнгөөр хэрэгжих Нарны зам, Дүнжингаравын авто замыг холбосон төмөр зам доогуурх нүхэн гарц, авто замын ажлыг эхлүүлжээ.
Уг төсөл хэрэгжсэнээр 2 талдаа явган зам, авто замын 4 нүхэн гарц, 14 м өргөн, 2,38 у/м авто зам баригдаж Нарны замыг Дүнжингаравын замтай холбосон босоо тэнхлэгийн зам болох аж. Ингэснээр Нарны замын ачааллыг Дүнжингарав руу хуваахаас гадна Офицеруудын ордны тойргоор тойрохгүйгээр уг босоо тэнхлэгийн замаар зорчих боломж бүрдэх ач холбогдолтой юм гэж Нийслэлийн автозамын хөгжлийн газраас мэдээллээ.
