UBLife Logo
Эрүүл мэнд

Та зайлшгүй амралт авах цаг болсныг илтгэх 8 шинж тэмдэг

О.Анхзаяа
О.Анхзаяа
Та зайлшгүй амралт авах цаг болсныг илтгэх 8 шинж тэмдэг

Хаврын улирал ирсэнтэй холбогдуулан таны бие махбодид дараах шинж тэмдэг илэрч байвал таныг зайлшгүй амрах шаардлагатай гэдгийг илтгэж байна гэсэн үг. Мөн эдгээр асуудлууд танд хурцаар илэрч байвал мэргэжлийн эмчид хандаарай.


1. Толгой өвдөх

Хэрэв таны толгой өвддөг бол амралт хэрэгтэй гэдгийг илтгэх эхний шинж тэмдэг юм. Толгой, хүзүү, мөр, нүд зэрэгт хэт их ачаалал өгснөөр таныг ядарч сульдах, стрессдүүлэх зэрэг сөрөг нөлөөтөй байдаг.

2. Ходоод өвдөх 

Сэтгэл санаа тогтворгүй, тархи хэт их ажиллаж байгаа үед хоол боловсруулах үйл явц удаашрах, өтгөн хатах зэргийн үндэс болдог. 

3. Хоолой өвдөх

Дархлаа муудах, стрессдэх зэрэг нь зүрхний хэмнэл алдагдуулж, цусны даралт ихэсгэдэг. Эдгээрээс болоод таны хоолой байнга өвдөх, ханиад  хүрэх шалтгаан болдог байна. 

4. Таргалах

Ядаргааны үед кортизол хэмээх даавар ихээр ялгарснаар таны хоол идэх хүсэл нэмэгддэг. Үүнээс болоод хурдацтай жин нэмж эхэлнэ. 

5. Гэдэс өвдөх

Дээр дурьдсанчлан ходоод, гэдэс өвдөх, дотор муухайрах зэрэг шинж тэмдгүүд нь хоол боловсруулах систем асуудалтай байгааг илэрхийлж байна. Эдгээр нь мөн л танд амралт, тайван байдал хэрэгтэй байгаагийн дохио юм. 

6. Амархан ядрах

Ялангуяа ажлын ачаалалтай үед оройтож унтах, бага цаг унтах зэрэг нь ядаргаанд орох том шалтгаан болдог.

7. Цээж өвдөх

Хэрэв таны цээж хорсох, өвдөх зэрэг шинж тэмдэг илэрч байвал мөн л амрах хэрэгтэй гэсэн үг. Магадгүй таны өвдөлт илүү ноцтой байвал мэргэжлийн эмчид хандах нь хамгийн зөв арга юм шүү.

8. Бэлгийн сулрал

Энэ нь бие махбодь болон сэтгэлзүйгээс шалтгаална. Та зөв хооллож, сайн амарч, ажлын ачааллаа зохицуулж, санаа зовоосон асуудлуудаа шийдэх хэрэгтэй. 

ЭНЭ МЭДЭЭНД ӨГӨХ ТАНЫ СЭТГЭГДЭЛ?
1
0
0
0
0
0
1
0

СЭТГЭГДЭЛ БИЧИХ
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.