'Бэрсийн гамбит' цувралаас санаа авч зочид буудлын өрөөг тохижуулжээ
АНУ-ын Кентакки мужийн Лексингтон хотод байрладаг 21c Museum зочид буудал 'Бэрсийн гамбит' цувралаас санаа аван зарим өрөөгөө 1960-аад оны ретро хэв маягаар тохижуулжээ.
Таазан дахь шатрын хөлгөөс эхлээд өрөөний эд юмс, чимэглэл бүгд шатартай холбогдох аж. Цувралд Лексингтон нь Бет Хармоны төрөлх хот гэж дүрслэгддэг билээ.
Өрөөнд тавьсан дундад зууны үеийн тавилга, дагалдах хэрэгслүүдийг интерьер дизайнер Изабел Лэдд, Люси Жонс, Алекс К Мейсон нар сонгожээ."Би тэр эрин үеийн тавилгуудыг сүүлийн 30 гаруй жилийн турш цуглуулж байна" гэж Люси Жонс ярьжээ.
Мөн Лос Анжелес дахь Юнион Стейшн галт тэргийн тасалбар худалдах танхимаа мөн л 'Бэрсийн гамбит' цувралаас санаа аван тохижуулж, нэгдүгээр сарын 11 хүртэл тэр хэвээр нь байлгахаар болсон байна.
Сонирхуулахад, 'Бэрсийн гамбит' цувралыг Netflix-т тавигдсан эхний 28 хоногт 62 сая хэрэглэгч үзсэн гэх тооцоо гарчээ. Түүнчлэн тоглоом үйлдвэрлэгч Goliath компанийн шатрын борлуулалт арваннэгдүгээр сард 1048 хувиар нэмэгдэж, Chess.com сайтад 3.2 сая хүн шатар тоглохоор шинээр бүртгүүлжээ.
Холбоотой мэдээлэл: "Бэрсийн гамбит" цувралын тухай таны мэдэхгүй 16 БАРИМТ
Бэрсийн Гамбит: Онлайнаар шатар тоглогчдын тоо 5 дахин нэмэгджээ