Өнөөдөр жүдочид тэмцээндээ орж, эхний хоёр жинд аваргууд тодорлоо. Эмэгтэйчүүдийн 48 кг-д Сүлд спорт хороо, Үндэсний шигшээ багийн тамирчин, Дэлхийн болон Ази тивийн аварга, ОУХМ Б.Баасанхүү эхний тойрогт Мальта улсын Катрина Эспоситог цэвэр, дараагийн тойрогт Австрийн Катарина Танзерийг цэвэр, хэсгийн аваргын төлөө Парагвайн Нарваез Габриелаг мөн цэвэр ялж, хагас шигшээд шалгарлаа.
Медалийн төлөөх барилдааны өрсөлдөгч нь Испанийн Мартинез Абеленда байлаа. Хэн хэн нь 2 торгуультай байхад манай бөх жийж татаад иппон ялалт. Ингээд медаль авах нь тодорхой болов. Монголын жүдочдын олимпын 12 дахь медаль.
Нөгөө талд Японы Цүнода, Шведийн Тара Бабулфатыг торгуулиар ялж, финалд шалгарсан.
Ингээд Б.Баасанхүү Японы Цүнадо Нацүмитай аваргын төлөө барилдаж, вазаригаар ялагдсанаар олимпын мөнгөн медаль зүүлээ.
Монголын жүдочид олимпод
Мөнгө - Цэндийн Дамдин, 1980 Москва
Хүрэл - Равдангийн Даваадалай, 1980 Москва
Хүрэл - Доржпаламын Нармандах, 1996 Атланта
Хүрэл - Хашбаатарын Цагаанбаатар, 2004 Афин
Алт - Найдангийн Түвшинбаяр, 2008 Бээжин
Хүрэл - Сайнжаргалын Ням-Очир, 2012 Лондон
Мөнгө - Найдангийн Түвшинбаяр, 2012 Лондон
Мөнгө - Доржсүрэнгийн Сумъяа, 2016 Рио-де-Жанейро
Хүрэл - Мөнхбатын Уранцэцэг, 2020 Токио
Хүрэл - Цэнд-Очирын Цогтбаатар, 2020 Токио
Мөнгө - Саид Моллай, 2020 Токио
Мөнгө - Бавуудоржийн Баасанхүү, 2024 Парис
Гэрэл зургийг Ч.Ганбат
Овог, нэр : Бавуудоржийн Баасанхүү
Төрсөн газар: Хөвсгөл аймаг, Мөрөн хот
Анхны багш : А. Даваадорж, Б. Очирбат
Байгууллага: ШШГЕГ-ын Сүлд спорт хороо, Үндэсний шигшээ багийн тамирчин
Амжилт: 2024 оны АНЭУ-ын Абу Даби хотноо болсон ДАШТ-ий алт, Ази тивийн аварга, Душанбе Их дуулга тэмцээний аварга
Хамгийн ихээр юунд талархаж явдаг вэ: Өөрт байгаа бүх зүйлд
Таны мөрөөдлийн өдөр: Өдөр бүр дахин давтагдашгүй. Өдөр бүр миний мөрөөдлийн өдөр
