Алжир боксчин Иман Хэлиф Парисын олимпод оролцож буй нь Жендерийн эрхийн маргаан дагуулаад буй билээ. Тэгвэл дэлхийн хэвлэл мэдээллийн сайтуудаар түүнийг трансжендэр биш эмэгтэй хүн гэх нийтлэлүүд гараад байна. Тухайлбал Хэлиф нь эмэгтэй хэдий ч “XY” буюу эр хромосом, эр даавартай буюу “төрөлхийн хромосомын эмгэгтэй” гэнэ.
И.Хэлиф нь 2023 оны ДАШТ-ээс хасагдаж байсан бөгөөд "ДНХ-ийн шинжилгээнд үндэслэн бид дэлхийг хууран мэхэлж, эмэгтэй хүний дүр үзүүлэхийг оролдсон хэд хэдэн тамирчныг илрүүлсэн. Шинжилгээний үр дүнгээс харахад тэд XY хромосомтой болох нь батлагдсан. Ийм тамирчдыг тэмцээнээс хассан" гэж тухайн үеийн боксын холбоо мэдэгдэж байжээ.
И.Хэлифийн хувьд тэрээр ДАШТ-ийн дараагаар эр даавраа дарах эмчилгээ хийлгэснээр энэ удаагийн Парисын олимпод оролцох боломжтой болсон байна.
Трансжендэр эмэгтэй нь төрөхөд тэмдэглэгдсэн хүйс нь эрэгтэй хэдий ч өөрийгөө мэдэрч, тодорхойлж, нийгэмшин амьдарч буй хүйс нь эмэгтэй хүнийг хэлнэ. Тиймд Хэлифийн нөхцөл байдал түүнийг трансжендэр биш гэдгийг нотолж байна.
