Өчигдөр эмэгтэй 50 кг-ын жингийн медалийн төлөөх барилдаанууд явагдлаа. Энэ жинд манай Д.Отгонжаргал барилдсан юм. Д.Отгонжаргалын эхний учраа Италийн тамирчин Эммануэла Льюззи жингээр хасагдсан тул манай тамирчин шууд ялалт авсан. Дараа нь Азербайжаны хашир туршлагатай, ахмад бөх Мария Стадникийг 4:4 харьцаатай буюу онооны чанараар ялж, шөвгийн 4-т үлдлээ.
Дараагийн өрсөлдөгч нь АНУ-ын Сара Хильдебрандт. Хагас шигшээд шалгарах хариуцлагатай энэхүү барилдаанд манай бөх 0:5 ялагдсанаар дагах барилдаанд шилжсэн. Энэ жингийн гол сэнсаац тарьсан энэтхэг бөх жиндээ орж чадаагүй тул Кубын Юснейлис Гусман Лопес алтан медалийн төлөө АНУ-ын Сара Хильдебранттай барилдлаа. Сара 3:0 ялж, олимпын аварга болсон. Японы олимпын аварга Сүсаки энэ удаад хүрэл медальтай нутаг буцаж байна.
Харин манай бөх хүрэл медалийн төлөөх барилдаанд Хятадын бөх Зи Чи Фэн-д 2:6 ялагдсанаар Парисын олимпын наадмаа шагналт 5-р байр эзэлсэн амжилтаар өндөрлүүллээ. Огцом тодорсон манай бөхийг жингийнх нь шилдгүүд онцлон судалсан нь харагдаж байлаа.
Эмэгтэй
50 кг
Финал
Алтан медаль - Сара Хильдебрандт (АНУ)
Мөнгөн медаль - Юснейлис Гусман Лопес (Куба)
Хүрэл медаль - Юи Сүсаки (Япон), Зи Чи Фэн (Хятад)
Сонгомол
77 кг
Финал
Нао Кусака (Япон) - Демеу Жадраев (Казахстан) - 5:2
Хүрэл медалийн төлөө
Малхас Амоян (Армени) - Арам Варданян (Узбекистан) - 6:5
Акжол Махмудов (Кыргызстан) - Санан Сулейманов (Азербайжан) - 6:5
97 кг
Финал
Мохаммадхади Сарави (Иран) - Артур Алексанян (Армени) - 4:1
Хүрэл медалийн төлөө
Габриэль Русильо (Куба) - Рустам Ассакалов (Узбекистан) - гэмтэл (+:- )
Узур Жузупбеков (Кыргызстан) - Мохамед Али Эльсаид Габр (Египет) - 2:1
Гэрэл зургийг Д.Нямбилэг
