Энэ сарын 1-нээс эхлэн Израилын Тель-Авив, Иерусалим гэсэн том хотуудад олон нийтийг хамарсан жагсаал болж байна.
Хэдэн зуун мянган хүн гудамжинд жагсаж, Засгийн газраа ХАМАС-тай хэлэлцээр хийж, зуу гаруй барьцааны хүмүүсийг суллахыг шаардаж эхэллээ.
Наймдугаар сарын 31-нд Газын зурвасын Рафах хотод зургаан барьцааны хүний цогцсыг олсон.
Алан хядагчид тэднийг Израилын цэрэг ирэхийн өмнхөн алсан нь тогтоогджээ.
Ингээд Израилд өргөн хэмжээний эсэргүүцлийн жагсаал эхэлж, ХАМАС-тай хэлэлцээр хийхийг шаардсан юм.
Харин Засгийн газар палестинчуудтай хэлэлцээр хийхгүй, дайнаа үргэлжлүүлнэ гэсэн байр суурьтай байна.
