Шон “Дидди“ Комбсын хамгийн том шүүмжлэгчдийн нэг болох 50 Cent өнгөрөгч лхагва гарагт өөрийн олон нийтийн сүлжээн дэх хуудсаараа дамжуулан Диддигийн бэлгийн хүчирхийллийн хэргийн тухай баримтат кино бүтээх гэж буйгаа зарлалаа.
Энэхүү кинон дээр Америкийн найруулагч Алекс Стаплтон ажиллах гэнэ. 2023 оны арваннэгдүгээр сараас эхлэн шуугиан тарьж эхэлсэн Диддигийн бэлгийн хүчирхийлэл, секс зуучлал тухай бүхий л үйл явдал, баримтыг энд тусгаж өгнө гэнэ.
“Энэ тэр чигтээ хэдэн арван жилийг дамнан үргэлжлэх түүх тул үнэхээр хэцүү, харуулахад бэрх байх нь гарцаагүй. Гэхдээ бид дуу хоолойгоо хүргэж чадахгүй байгаа хүмүүсийн өмнөөс тэдний дуу хоолой болон ажиллах зорилгоо мартахгүй“ хэмээн найруулагч Алекс болон рэппер 50 Cent дээр мэдэгдэлдээ өгүүлжээ.
Харин түүнийг буруутгасан энэ бүх хэргүүдийг Дидди өөрөө өнөөг хүртэл үгүйсгэсээр байгаа билээ.
