Монгол хэл бичгийн болон Элсэлтийн шалгалтыг 12-р сарын 5-8-ны өдрүүдээр зохион байгуулна.
Харин шалгуулагчдыг 10-р сарын 10-наас 11-р сарын 10-ны хооронд eyesh.eec.mn цахим хуудсаар бүртгэх юм.
Тухайн шалгуулагч англи хэл, биологи, газар зүй, математик, монгол хэл, нийгэм судлал, орос хэл, түүх, физик, хими зэрэг хичээлээс хоёроос дээш хичээлийг сонгох төдийгүй дээрх хугацаанд шалгалт өгөх хичээлээ сонгож, төлбөрөө төлснөөр бүртгэл баталгаажих учиртай.
Харин Монгол хэл бичгийн шалгалтад оролцоход үнэ төлбөргүй юм. Түүнчлэн элсэлтийн шалгалтад орохоор зэхэж буй хэн бүхэн мэргэжлийн сэтгэл зүйчээс зөвлөгөө авах боломжийг Боловсролын үнэлгээний төвөөс санал болгож байна.
