Америкийн модельер Рик Оуэнс, түүний гэргий Мишель Лами, мөн өөр хоёр америк дизайнер Ханну Роуз Далтон, Стивен Бхаскаран нарыг ёс зүйгүй хувцасласан шалтгаанаар Бээжингийн Хориотой хотод оруулсангүй. Ханна Роуз Далтон, Стивен Бхаскаран хоёр Канадын “Fecal Matter” брэндийн үүсгэн байгуулагч, хамтран эзэмшигчид юм.
Тэд олон нийтийн сүлжээнд энэ талаараа гомдол тавьж, “Хориотой хотын хамгаалагч нар Ханна, Стивен хоёрыг хувцсаа солихыг шаардсан. Жирийн хувцас өмсөөд ир гэж хэлсэн. Ёстой доромжилсон, хүн чанаргүй, муухай үйлдэл байлаа. Хууль зөрчөөгүй байхад өмссөн зүүснээр нь хүнийг ингэж ялгаж болохгүй” хэмээн өөрсдийгөө өрөвдүүлэх гэж оролдсон ч ихэнх уншигч тэдний биш хамгаалагчдын талд орсон байлаа. Фэнүүд нь хүртэл “Усыг нь уувал ёсыг нь дага” гэж сануулсан байна.
Ханну Роуз Далтон, Стивен Бхаскаран нар хувцсаа солихоос татгалзаад Хориотой хотыг орхин оджээ.
