Энэ жил 10 нас хүрч буй “Гэрэг” сэтгүүлийн редакц дэлхийн шилдэг хэвлэл “The New York Times”-тай 2018 оноос хамтын ажиллагаа эхлүүлж, цуврал дугааруудыг гаргаж эхэлсэн билээ. Тэр дундаа улирч буй оноо тоймлож, ирэх жилийн дэлхий дахины сонор, соргог бүхнийг зурагладаг “Turning Points” тусгай дугаарыг албан ёсны эрхтэйгээр, шилдэг хэвлэлийн формат, стандартын дагуу тав дахь жилдээ уншигчдадаа өргөн барих гэж байна.
Энэ жилийн дугаарт Нобелийн шагналт нийгмийн зүтгэлтэн, зохиолч, уран бүтээлчид, цахим сургалт, бизнесийн удирдлагууд болон шинжлэх ухааны салбарынхан гэхчлэн салбар бүрийн тэргүүлэх мэргэжилтнүүдийн сонирхолтой эсээ, нийтлэл орсон байна.
Мөн Нетфликс-ийн хамтран үүсгэн байгуулагч Тед Сарандос, хүн ам зүйч Женнифер Д. Скубба нарын маш чухал сэдвээр ярилцсан ярилцлагууд энд дугаарт багтжээ.
Жил бүрийн дугаарт олон улсад танигдсан, нөлөө бүхий сэтгэгч эрхмүүдийн дэлхий ертөнц, бидний амьдрал, ирэх онд болон түүнээс цааш хэрхэхийг төсөөлсөн содон өнцөг бүхий ховорхон эсээ, “Гэрэг” сэтгүүлийн редакцын бэлтгэсэн Монголын амьдрал, үйл явдлын сонирхолтой тойм, амттай сурвалжилга, содон ярилцлагууд багтсан байдаг нь сэтгүүлийг захиалж унших бас нэгэн онцгой хүчин зүйл болдог билээ.
"Turning Points" - Global Agenda 5 дахь тусгай дугаарын урьдчилсан захиалга үүгээр эхэлж байна. Улирах оноо дүгнэж, ирэх жилээ зураглах “Эргэлтийн цэг” уншигч таны гарт хүрэхэд хэдхэн хоног үлдлээ. Сэтгүүлийн урьдчилсан захиалгын үнэ 35.000 төгрөг ба та ЭНД дарж сэтгүүлээ захиалаарай.
