Сагсан бөмбөгийн Үндэсний Дээд лигийн талбайд 2025 оны 1-р сарын 9-ний өдөр гурван тоглолт явагдана.
Энэ өдрийн салхийг хагалж, 15:40 цагаас “Эрдэнэт Майнерс” болон “Бишрэлт Металл” багууд тоглох юм.
Улирлын эхэн үетэй харьцуулахад “Майнерс”-т плей-оффын байрлал ч ойрхон байна. “Металл” одоогийн байрлалаа хадгалж чадвал аваргуудын амнаас мултарна.
Харин 18:10 цагаас “Yes TLG” төдийгүй “Сэлэнгэ Бодонс” багуудын хүчтэй өрсөлдөөн биднийг хүлээж буй.
“Yes TLG” багт урагшлах боломж ч бий, унах эрсдэл ч бий. Энэ долоо хоногт дуулиантай мэдэгдлийг зарласан “Бодонс”-ийг буулгаж авбаас улирлын төгсгөлд гарцаагүй тэдний аминд орох үр дүн гэдэг нь мэдээж. Хүснэгтийн сүүл мушгиж буй багуудын хувь заяаг эцэстээ ганцхан хожлын зөрүү л шийдэх бий.
Тэгвэл пүрэв гарагийн оргил цагт “Дархан Юнайтед” болон “Хасын Хүлэгүүд” багууд тоглохоор учраа таарлаа.
Аваргын цомоо хамгаалан тоглож буй “Хүлэгүүд” улирлын тоглолтод ердөө хоёрхон удаа ялагдаад байна. Тэдний өрсөлдөгч “Дархан Юнайтед”-ийн хувьд плей-оффын байрлалаа хадгалах чухал тоглолтуудын өмнө ирсэн тул аваргуудыг ангуучлах хүсэл хэн бүхний цээжинд дүрэлзэж байгаа нь гарцаагүй.
