Амьдралын чухал шийдвэрүүдийг гаргахдаа бид олон зүйлсийг бодолцдог—оюун ухаан, бусдын хүлээлт, нийгмийн дарамт гэх мэт. Гэвч зүрх сэтгэлээ дагах зоригтой байснаар л жинхэнэ аз жаргал, сэтгэлийн амар амгаланг олж чадна. Хэрэв та өөрийн дотоод дуу хоолойг сонсож, хүссэн амьдралаа бүтээхийг хүсэж байгаа бол дараах найман зөвлөгөөг дагаарай.
1. Өөрийгөө таньж мэд
Зүрх сэтгэлээ дагахын тулд эхлээд өөрийнхөө хүсэл, сонирхол, үнэт зүйлсийг тодорхойлох хэрэгтэй. Таныг юу аз жаргалтай болгодог, юунд дуртайг ойлгох нь шийдвэр гаргахад тусална. Өөрийг тань жаргалтай байлгах зүйлийг, эсвэл тэр хүнийг олсон л бол алдахгүйн тулд харин бүхнийг хий.
2. Айдсаа даван туулахад суралц
Ихэнх хүмүүс зүрх сэтгэлээ дагахыг хүсдэг ч айдас нь саад болдог. Алдаа гаргахаас, бусдын шүүмжлэлээс, тодорхойгүй байдлаас эмээх нь хэвийн зүйл. Гэхдээ өөрийнхөө хүсэл тэмүүллийг дагахгүй байх нь илүү харамсалтай.
3. Бусдын санал бодолд хэт автах хэрэггүй
Бид ихэвчлэн бусдын хүлээлтэд нийцэхийг хүсдэг. Гэвч таны амьдралыг өөр хэн нэгэн бус, зөвхөн та өөрөө л амьдрах учиртай. Тиймээс өөрийн үнэнч хүслийг сонсож, түүнийхээ төлөө тэмүүл.
4. Дотоод зөн совиндоо итгэ
Бидний зөн совин бол хамгийн үнэн замч. Заримдаа логик, баримтаас илүүтэй сэтгэл зүрхний мэдрэмж зөв шийдвэр гаргахад тусалдаг. Тиймээс өөрийн дотоод мэдрэмжийг үл тоохгүй байгаарай.
5. Аливаа зүйлийг хойш тавилгүй эхлэх
“Нэг л өдөр...” гэж хүлээх хэрэггүй. Өнөөдрөөс эхэл. Жижигхэн алхмууд ч гэсэн таныг хүссэн зүйлдээ хүрэхэд ойртуулна.
6. Шийдвэр гаргахдаа өөрийн үнэ цэнийг санах
Таны хүсэл мөрөөдөл үнэ цэнтэй. Та өөрийнхөө аз жаргал, амьдралын замыг сонгох эрхтэй. Өөрийнхөө үнэт зүйлсэд нийцэхгүй шийдвэр гаргах хэрэггүй. Эцэст нь та л энэ амьдралаа өөрийнхөөрөө туулна. Өөр хэн нэгэн таны өмнөөс амьдрахгүй шүү дээ.
7. Сөрөг хүмүүсээс хол бай
Зарим хүмүүс таны мөрөөдлийг үл тоож, эргэлзэхэд хүргэж магадгүй. Гэхдээ таны аз жаргал бусдын бодлоос хамаарах ёсгүй. Өөрийг тань дэмждэг, урам өгдөг хүмүүстэй ойр байгаарай. Хайр, эерэг, эрүүл харилцаан дунд байхад эхэндээ хэцүү байж болох ч аажмаар та дасаж, ийм хайрыг хүртэх эрхтэй хүн байснаа ойлгох болно.
8. Амьдралын гайхамшгийг хүлээн зөвшөөр
Амьдрал гэнэтийн, урьдчилан таахын аргагүй зүйлсээр дүүрэн. Тиймээс бүхий л зүйлсийг хянах гэж оролдохын оронд заримдаа өөрөөс шалтгаалах бүхнийг хийгээд, цааш амьдрал хааш хөтлөхийг харах хэрэгтэй. Зүрх сэтгэлээ дагасан л бол араас нь ирэх ямар ч үйл явдал танд үнэтэй санагдах болно.
Эцэст нь хэлэхэд, зүрх сэтгэлээ дагах нь үргэлж хялбар байдаггүй ч хамгийн чухал замнал юм. Таны хүсэл тэмүүлэл, мөрөөдөл таныг аз жаргалд хөтлөх болно. Тиймээс өөрийн дотоод дуу хоолойгоо сонсож, зоригтой алхам хийгээрэй.
