Энэ онд цацагдах дэлхий даяар хамгийн өндөр хүлээлттэй байгаа 8 цомгийг танилцуулъя.
DeBÍ TiRAR MáS FOToS - Bad Bunny
2025 оны сайхан эхлэл болж, Bad Bunny шинэ цомгоо нэгдүгээр сарын 5-нд гаргалаа. Цомгийн нэр нь “DeBÍ TiRAR MáS FOToS” бөгөөд Пуэрто Рикогийн түүх, соёлыг хүндэтгэсэн утгатай аж. 17 дуунаас бүрдсэн энэ цомогт Пуэрто Рикогийн өсөж буй од уран бүтээлч РайНао болон бусад шинэ уран бүтээлчид оролцсон байна.
Perverts - Ethel Cain
Ethel Cain-ы шинэ Perverts нэртэй цомог нь түүнийг нэр алдарт хүргэсэн Preacher’s Daughter-аас огт өөр, онцгой бүтээл болжээ. Нэгдүгээр сарын 8-нд гарсан энэхүү шинэ цомог нь орчин үеийн эмбиент буюу электрон хөгжмийн уур амьсгалтай бөгөөд заримдаа цагаан чимээ эсвэл нам гүм байдлыг ашиглан түгшүүр төрүүлэхүйц бүтээгджээ. Сонсогчдыг үргэлж гайхшруулж, туршилт, уламжлалт бус хэв маягийг нэгтгэсэн энэхүү бүтээл нь Кэйний уран бүтээлийн санг сэтгэл хөдлөм, үр нөлөөтэйгөөр баяжуулжээ.
Balloonerism - Mac Miller
Balloonerism бол уран бүтээлч Мак Миллерийн нас барсны дараа гарч буй хоёр дахь цомог юм. Тэрээр энэ цомгийн дуунуудыг 2013-2014 оны хооронд бичиж, 2018 онд таалал төгсөхөөс хэдхэн жилийн өмнө бүтээсэн байжээ. Миллерийн гэр бүл түүний энэ төслийг амьд ахуйдаа гаргахыг хүсэж, бүр цомгийн хавтасны дизайныг ч захиалж байсан гэж мэдэгдсэн байна. Balloonerism цомогт SZA болон Делушнел Томас зэрэг уран бүтээлчид хамтран бүтээсэн дуунууд багтсан ажээ.
Цацагдах өдөр: 1 сарын 17
Hurry Up Tomorrow - The Weeknd
Алдарт дуучин The Weeknd уран бүтээлийн гурван цуврал цомгийн төгсгөлийг Hurry Up Tomorrow хэмээх цомгоороо дуусгалаа. Энэ нь өмнөх After Hours болон Dawn FM цомгуудын үргэлжлэл болж байна. Hurry Up Tomorrow нь The Weeknd гэх тайзны нэрээрээ гаргах сүүлийн төсөл байх магадлалтай гэдэг яриа газар аваад байна. Энэ үйл явдал нь The Weeknd буюу Абелийн шинэ эхлэл болж магадгүй байна. Цомогт Anitta болон Playboi Carti зэрэг уран бүтээлчидтэй хамтран бүтээсэн дуунууд багтжээ.
Цацагдах өдөр: 1 сарын 31
LG7 - Lady Gaga
КОВИД-19 цар тахлын улмаас түүний бүжгийн хөгжимт Chromatica цомог клубт эгшиглэж чадаагүй ч, дэлхий нийтээрээ Лэйди Гагагийн шинэ бүтээлийг тэсэн ядан хүлээж байлаа. Тэрээр цомгоо цацахаасааа өмнө Бруно Марстай хамтран дуулсан хит дуу "Die With a Smile" болон поп стильтэй "Disease" хэмээх дуугаараа фенүүдээ баярлуулсан билээ.
Цацагдах өдөр: 2 сард
Alter Ego - Lisa
“Rockstar” хэмээх синглээрээ Лиса өөрийгөө бие даан амжилт гаргах чадвартай гэдгээ баталлаа. BLACKPINK хамтлагийн гишүүн түүний анхны бүрэн хэмжээний соло цомог Alter Ego нэртэйгээр гарах аж. Цомгийн хоёр дахь сингл болох “New Woman” нь алдарт дуучин Росалиатай хамтран бүтээсэн бөгөөд продюсерээр Макс Мартин ажилласан нь Лиса нэр хүндтэй уран бүтээлчидтэй хамтран ажиллаж байгааг харуулж байна.
Цацагдах өдөр: 2 сарын 28
The Right Person Will Stay - Lana Del Rey
Лана Дель Рей энэ жил The Right Person Will Stay нэртэй шинэ цомгоороо каунтри хөгжмийн урсгалд хөл тавьж байна. Түүний 10 дахь студийн цомог болох энэ бүтээл нь Бейонсе, Сабрина Карпентер зэрэг алдартай уран бүтээлчдийн чиг хандлагатай тун төстэй.
Цацагдах өдөр: 5 сарын 21
Something Beautiful by Miley Cyrus
Майли Сайрус саяхан “Harper's Bazaar”-тай хийсэн ярилцлагадаа тун удахгүй гарах бүтээл нь висуал цомог болохыг ярьсан байна. Түүний сүүлийн цомог Endless Summer Vacation болон хит сингл “Flowers” өндөр амжилтад хүрсэн нь энэ удаагийн цомгийг маш их хүлээлттэй болгожээ.
