XVII жарны "Элдэв эрдэнэт" хэмээх Модон могой жилийн Сар шинийн баярыг угтан Ерөнхийлөгч У.Хүрэлсүх төр, нийгмийн үйл хэрэгт гавьяа байгуулсан эрхмүүдийг алдаршуулж, цол тэмдэг олгохоор зэхэж байна.
Тухайлбал, УДЭТ-ын жүжигчин Ж.Оюундарийг “Ардын жүжигчин” цолоор шагнана.
Тэрбээр “Гэгээн муза” олон улсын театрын наадмаас шилдэг жүжигчний шагнал гардаж байснаас гадна 1980-аад оноос эхлэн тайз, дэлгэцийн олон арван бүтээлд сэтгэлд хоногших дүрийг бүтээсэн билээ.
Түүнийг ардын жүжигчин Л.Жамсранжавын охин гэдгээр нь монголчууд андахгүй.
Мөн УДЭТ-ын жүжигчин М.Түвшинхүү, О.Гэрэлсүх нарт “Гавьяат жүжигчин” цол олгох ажээ.
