Samsung нь дэлхий даяар нэгэн зэрэг худалдаанд гарах Bespoke AI шинэ гэр ахуйн цахилгаан хэрэгслээ танилцуулж байна. Уг цуврал нь хэрэглэгчдийнхээ амьдралын тав тухыг эрэлхийлэн өөрчлөгдөх боломжтой загвар болон хиймэл оюун ухааны технологид суурилагдан бүтээгдсэн.
Samsung Bespoke AI цуврал нь цахилгаан хэрэгслийн зөвхөн загварыг өөрчлөх боломжтой гэсэн хил хязгаарыг давсан юм. Одоо цахилгаан хэрэгсэл нь хиймэл оюун ухааны тусламжтайгаар хэрэглэгчдийнхээ амьдралын хэв маягт дасан зохицож байна: өдөр тутмын зуршлыг санаж, үйл ажиллагааны параметрүүдийг автоматаар тохируулж, тэр ч байтугай хүн байгаа эсэхийг мэдэрч хариу үйлдэл үзүүлдэг.
Жишээлбэл, Samsung Bespoke AI Laundry Combo хатаагчтай угаалгын машин нь даавууны төрөл, бохирдлын түвшин, усны болон угаалгын бодисын оновчтой тунг бие даан тодорхойлдог тул хиймэл оюун ухаанд суурилагдсан технологи нь өөрөө угаах, хатаах процессыг тохируулдаг. 7 инчийн AI Home дэлгэцийн тусламжтайгаар хэрэглэгчид дэлгэцэд холбогдсон гэр ахуйн цахилгаан хэрэгслээ удирдах боломжтой.
Samsung Bespoke FDR 4 хаалгатай хөргөгч нь камер ашиглан дотор хадгалагдсан хоол хүнсийг таньдаг AI Vision Inside (AI дотоод камер) технологитой. Энэ нь SmartThings-ээр дамжуулан хадгалагдаж буй хүнсний бүтээгдэхүүнээр хийх боломжит хоолны жорыг санал болгож, хүнсний хог хаягдлыг багасгадаг. Мөн суурилагдсан 9 инчийн AI Home мэдрэгчтэй дэлгэц нь танд хоол хийх явцдаа дуртай ТВ цувралаа үзэх тэр бүү хэл утасныхаа дуудлагад ч хариулах боломжийг олгодог.
Samsung Bespoke Jet Bot Combo AI Steam робот тоос сорогч нь хүн, тэжээвэр амьтад, жижиг эд зүйлсийг таньж, тэднийг тойрон зөөлөн хөдөлдөг. Нарийвчилсан RGB болон хэт улаан туяаны мэдрэгч нь төхөөрөмжид зөвхөн өнгөт төдийгүй тунгалаг шингэнийг илрүүлэх боломжийг олгодог. Сонгогдсон цэвэрлэгээний горимоос хамааран робот тоос сорогч нь асгарсан шингэнийг цэвэрлэх эсвэл шалыг халтардуулахгүйгээр тойрч гарах эсэхийг шийддэг. Өөр нэгэн чухал давуу тал бол "бартаат замын машин" шиг 45 мм хүртэл өндөр босго давах чадвар юм.
Samsung-ийн өөр нэгэн тоос сорогч болох Bespoke AI Jet Ultra 400W босоо тоос сорогч нь соролтын дээд амжилт болох 400Вт хүчин чадалтай бөгөөд хиймэл оюун ухаанд суурилагдсан технологитой. Тоос сорогч нь шалны хучилтын төрлийг автоматаар ялгаж, оновчтой горимыг сонгохоос гадна цэвэрлэгээ хийх явцад ирж буй дуудлага, мессежний тухай мэдэгдлийг илгээдэг!
Samsung WindFree агааржуулагч нь хөдөлгөөнгүй агаар ашиглан жигд сэрүүн, тав тухтай орчныг бүрдүүлдэг цорын ганц систем юм. Уг төхөөрөмж нь хэрэглэгчдийн амьдралын хэв маягт дасан зохицдог, тухайлбал, GPS ашиглан таныг гэртээ ирсэн эсэхийг илрүүлж, хэрэгцээт температурыг тохируулдаг. Мөн AI Auto Cooling функц нь тохиргооны түүхэнд анализ хийж, тав тухтай горимыг автоматаар тохируулдаг. Үүний зэрэгцээ PM1.0 шүүлтүүр нь амьсгалын замд нэвтэрч болзошгүй бичил тоосонцруудаас агаарыг үр дүнтэй цэвэрлэдэг.
Samsung Bespoke AI цувралын бүх цахилгаан хэрэгсэл нь Wi-Fi-аар интернэтэд холбогддог бөгөөд SmartThings аппаар дамжуулан алсаас удирдах боломжтой. Энэ нь хэрэглэгчдэд гэрээсээ хол байсан ч ухаалаг гар утсаа ганцхан товшиж төхөөрөмжийн ажиллагааг хянах, мэдэгдэл хүлээн авах, тохиргоог өөрчлөх, хүссэн горимоо эхлүүлэх боломжийг олгодог. AI Energy функцийн тусламжтайгаар бүх төхөөрөмжүүд үйл ажиллагаагаа оновчтой болгож эрчим хүчийг тань хэмнэхэд тусалдаг.
Samsung Bespoke AI гэр ахуйн цахилгаан хэрэгсэл нь гэрийн тань өвөрмөц интерьерийг тодотгоод зогсохгүй таны өдөр тутмын амьдралыг илүү хялбар, тав тухтай, ухаалаг болгох инновацын шинэлэг шийдэл юм.
