Шинэ зуршил бий болгох амархан байдаггүй шиг, хуучин зуршлаа хаях ч бас хялбар биш. Гэхдээ хорт зуршлаа хаях гэдэг уйтгартай, хэцүү зүйл байх албагүй! Харин ч дараах “токсик“ зургаан аргыг ашиглаж, өөрийгөө хуурч байгаад зуршлаа хаяж болно.
1. Өөртөө бооцоо тавь
Өөрийгөө сорих хамгийн үр дүнтэй аргуудын нэг бол бооцоо тавих. Хэрэв чи тамхи татахаа болихыг хүсэж байвал найздаа "Хэрэв би дахиж нэг л удаа татвал чамд 50 мянган төгрөг өгнө" гэж амла. Хэн мөнгөө алдахыг хүсэх вэ дээ?
2. Зуршлаа өөр зуршлаар орлуул
Юу ч хийхгүй орхих хэцүү. Тамхи татахаа болих гээд гараа завгүй байлгахыг хүсвэл үрэл, самар авч яваарай. Эсвэл стрессээ тайлахын тулд дасгал хийх, хоббитой болох гэх мэт шинэ дадал бий болго. Харин сахарын хэмжээгээ багасгахын тулд бага зэрэг жимсээр орлуулах гээд үзэж болно.
3. Бүгдэд зарлаж, дарамтад ор
Олон нийтийн өмнө ам өчгөө өгсөн хүн ухарч чаддаггүй. "Би энэ сараас согтууруулах ундаа хэрэглэхгүй" гэж сошиал дээрээ зарлаад үз. Дараа нь хүмүүс "Яасан, шар айраг уухаа больсон гэсэн биз дээ?" гэж шалгаахад буцаж эхлэх эвгүй байдаг.
4. Зуршлаа улам хэцүү болго
Тухайн зуршлыг хийхэд хэтэрхий төвөгтэй болгож өөрийгөө залхаа. Хэрэв гар утсаа хэтэрхий их ухдаг бол апп-уудаа устга, нэвтрэх нууц үгээ найзаараа сольж өгүүл.
5. Өөрийгөө хуурч, "түр" завсарлага ав
"Би хэзээ ч дахиж согтууруулах ундаа уухгүй" гэж хэлэхээр улам уумаар санагдана. Харин "Дараагийн 30 минут тэвчье, дараа нь шийдье" гэж өөрийгөө хуураад үз. Энэ 30 минут 1 цаг, 1 өдөр, бүр 1 сар болон сунах магадлалтай.
6. Зуршлаа үнэхээр жигшмээр болго
Хэрэв хэт их чихэр иддэг бол бүх чихрээ шорвог эсвэл гашуун амттай зүйлсээр орлуулаад үз. Эсвэл тамхи татах болгондоо хамгийн дургүй дуугаа сонсох дүрэм гаргаж болно. Ингэснээр тархи чинь "Энэ чинь үнэндээ таалагддаггүй юм байна" гэж ойлгож эхэлнэ.
Эцэст нь;
Хорт зуршлаа хаях нь зөвхөн тэвчээр биш, бас бага зэрэг ов мэх шаардана. Өөрийнхөө сэтгэл зүйг ашиглаж, дээрх "хортой" аргуудыг туршаад үз. Магадгүй чи аль хэдийн өөрийнхөө хамгийн том дайсан биш, харин хамгийн ухаалаг холбоотон болсон байх ч юм билүү?
