Сагсан бөмбөгийн Үндэсний Дээд лигийн 2024-25 оны улирлын финалд шалгарсан “Хасын Хүлэгүүд” болон “Бишрэлт Металл” багуудын цувралын хоёр дахь тоглолт өнөөдөр “М банк” аренад явагдлаа.
Эцсийн мөчид 83:81 харьцаатайгаар ялагч нь шийдэгдсэн эл тоглолтод “Хасын Хүлэгүүд” баг хожиж, цувралыг 1:1 болгон тэнцүүлэв.
Хэдийгээр “Металл”-ийн хувьд нэг легионериор дутуу, мөн үндсэн бүрэлдэхүүнийх нь тоглогч болох Н.Мөнхчөдөр бэртэлтэй ч өнөөдөр ойролцоо тоглолтыг харуулсан.
Т.Ууганбаяр оноог тэнцүүлэх боломжтой сул довтолгоо алдсан нь тоглолтын хувь заяаг эгнэгт шийдсэн юм. Харин “Хүлэгүүд”-ийн тоглогчид жигд сайн нөлөөллийг үзүүлэв.
Финалын цувралын гурав дахь тоглолт дөрөвдүгээр сарын 26-ны өдөр 15:10 цагаас “М банк” аренад явагдах товтой байна.
