Португалийн шигшээ баг болон “Аль-Насср” клубийн тоглогч Криштиано Роналдугийн эзэмшил дэх хөрөнгийн үнэлгээ нь нэг тэрбум фунтын босгыг давсан байна.
Түүний одоогийн хөрөнгө нь 1.4 тэрбум доллар (1.04 тэрбум фунт)-ээр үнэлэгджээ.
“Bloomberg”-гээс түүний хөрөнгийн тайланг нийтлэхдээ, Роналду “Аль-Насср”-т тоглох болсноор 237.2 сая доллар (177 сая фунт стерлинг)-ийн цалин, урамшууллаас гадна тус клубийн нийт хувьцааны 15 хувийг эзэмшихээр тохиролцож, хөлбөмбөгийн түүхэн дэх хамгийн өндөр цалинтай тоглогчоор тодорсныг онцолсон байна.
Тэрбээр 40 насандаа “Аль-Насср” баг дахь гэрээгээ шинэчилж, 400 сая долларын (298.5 сая фунт) хэмжээнд цалингаа өсгөсөн билээ.
