УИХ-ын дарга Д.Амарбаясгалан үүрэгт ажлаасаа чөлөөлөгдөх хүсэлтээ өчигдөр илэрхийлсэн. Түүний хүсэлтийг Төрийн байгуулалтын байнгын хорооны хуралд оролцсон 23 гишүүн санал нэгтэйгээр дэмжсэн юм. Тэгвэл уг асуудлыг өнөөдрийн УИХ-ын чуулганы хуралдаанаар хэлэлцэх асуудлын дараалалд оруулсан бөгөөд цайны завсарлагын дараа буюу 14.00 цагт хэлэлцэх товтой байна.
Дашрамд, өчигдөр буюу пүрэв гарагт хуралдах товтой ч ирц бүрдэхгүй байсан чуулганы хуралдаан хэдэн хормын өмнө 111 гишүүн буюу 87 хувийн ирцтэйгээр хуралдаж Ерөнхий сайд Г.Занданшатарыг 64 хувийн саналаар огцруулаад байна.
