Мэргэжлийн сүмо бөхийн Лондон башё өндөрлөж, бөхчүүд гэртээ харьжээ. Энэ башё сонин содон зүйл ихтэй болсон. Сүмочид ч дурсах зүйл ихтэй гэртээ очсон нь мэдээж.
Манай ёкозүна Хоошёорюү Английн алдарт “Челси” багийн цэнгэлдэх хүрээлэнд зочиллоо.
“Челси” багийн албан ёсны инстаграм хуудас түүний “Стэмфорд Бриж” хүрээлэнгийн талбай дээр шикона хийж байгаа бичлэгийг оруулж, “Сүмо бөхийн аварга дэлхийн аваргын талбайд зочиллоо” гэж бичсэн байлаа.
Мөн мэргэжлийн сүмо бөхийн 74 дэх аваргад зориулж, “74 HOSHORYU” өмсгөл бэлэглэсэн байна.
