Clubhouse-ийн нүүр царай болсон залуугийн "Lullaby Club" хамгийн олон дагагчтай өрөө болжээ
Clubhouse аппликейшний нүүр царай болсон 28 настай дуучин, үг зохиогч Акел Мансоор өөрийн Lullaby Club гэх өрөөгөө уг аппликейшнд нээсэн нь тус сүлжээний хамгийн олон дагагчтай өрөө болжээ.
"Бүүвэйн аязанд тайтгарч, алжаагаа тайлахад тань туслахаар бид энд байна" хэмээн тайлбартаа бичсэн уг өрөөнд 32 мянга гаруй дагагч тогтмол орж, зөөлөн аялгууг хамтдаа сонсдог байна.
Акел уг өрөөндөө орой бүр 2 цагийн турш сэтгэл санаа тайвшруулах хөгжим тоглуулж, модераторуудтай зөөлөн шивнээгээр харилцан ярилцдаг. "Lullaby Club-ийн нэг онцлог нь чимээ шуугианаар дүүрэн нийгмээс таныг хөндийрүүлэх болно" гэж Акел хэлжээ. Мөн "Танигдахын тулд заавал чанга дуугарах албагүй" гэдгийг ч тэр онцолсон юм.
Акелийн айкон зурагтай Clubhouse аппликейшнийг дэлхий даяар 13 сая хүн ухаалаг утсандаа татан авчээ.
Акел өрөөгөө өнгөрсөн арванхоёрдугаар сард хөл хорионы үеэр нээжээ. Гэхдээ бүүвэйн аялгуу гэдэг нэртэй боловч хүүхдийн дуу биш сэтгэл зүрх, оюун ухаан сэргээн тайтгаруулах ид шидтэй аялгуу тоглогддог нь өрөөний дагагчдад ихээхэн таалагджээ. Акел ихэвчлэн өөрийн дуртай аялгуугаа тоглуулж, заримдаа зочин модератор урьж, амьд хөгжим тоглуулдаг гэнэ.
Эх сурвалж: New York Times