Канадын дуучин Жастин Бибер өнгөрсөн Ням гарагт 32 насныхаа төрсөн өдрийг тэмдэглэлээ. Төрсөн өдрөө сүр дуулиантай, шоутай хийдэг байсан цаг нь ард үлджээ. Одоо тэр гэр бүлтэй.
Бибер төрсөн өдрөө зөвхөн хайрттайгаа тэмдэглэжээ. Инстаграм хуудасны зургаас үзэхэд Хейли тэр хоёр ресторанд бялууныхаа лааг үлээж байгаа нь харагдана. Энэ бүхнээс үзэхэд үдшийн гол гоёл нь долоон жил хамтдаа байгаа Хейли байжээ.
Жастин зураг доороо “Төрсөн өдрөө би зөвхөн түүнтэй л өнгөрөөхийг хүсдэг” гэжээ.
Одоо тэд хүүтэй болсон. Долоон жилийн дотор маш олон бэрхшээлийг даван гарсан хос цаашдаа ч хамтдаа байсаар байх болно.
