1 мин

Улаанбаатарт 855, орон нутагт 584 тохиолдол шинээр батлагдаж, дөрвөн хүн нас барлаа

Б.Энхцэцэг 2021.07.15

Манай улсад сүүлийн 24 цагт коронавируст халдварын 1,439 тохиолдол шинээр батлагдаж, нийт тохиолдлын тоо 143,128 болсныг Эрүүл мэндийн яам өнөөдөр мэдээллээ.

Шинээр илэрсэн 1439 тохиолдлын 855 нь нийслэл хотод, 584 нь орон нутагт бүртгэгдсэн байна. Сүүлийн 24 цагт 3,347 иргэн эдгэрч, эмнэлгийн болон гэрийн ажиглалтаас гарчээ. Харамсалтай нь, коронавируст халдварын улмаас хэвтэн эмчлүүлж байсан дөрвөн хүн нас баржээ. 

Өнөөдрийн байдлаар, коронавируст халдварын улмаас улсын хэмжээнд 10,862 иргэн эмнэлэгт, 19,004 хүн гэрээр эмчлүүлж байгаа. Эмнэлэгт хэвтэн эмчлүүлж буй иргэдийн биеийн байдлыг үнэлбэл, хөнгөн - 6,389, хүндэвтэр- 3,230, хүнд – 1,030, маш хүнд - 213 хүн байна.

Б.Энхцэцэг 2021.07.15