Хайх зүйлээ бичнэ үү

2 мин

Пиццаны эх оронд автомат пиццаны машин нээгдсэн нь италичуудын дургүйцлийг хүргэжээ


Дэлхийн хамгийн эртний хоолны жор агуулсан ном нь Ромын эзэн хаан Тиберигийн I зууны үед бичигдсэн гэж таамагладаг. ЮНЕСКО 2017 онд неаполитан үеийн Ром дахь пиццаны тогоочдыг хүн төрөлхтний соёлын биет бус өвийн жагсаалтад оруулсан байдаг. Тэгвэл уг олон зууны түүхт, уламжлалт аргаар хийгдсэн амтат пиццагаар дутагдаж үзээгүй хотод нэгэн энтрепренер гуравхан минутын дотор пицца хийгч автомат машин байрлуулжээ. 

Үүний хариуд хотын хамгийн эртний пиццаны газрын эзэн Рензо Панаттони "Жирийн нэг машин уламжлалт пиццаны амт, нимгэн захыг хэзээ ч гүйцэхгүй" гэжээ. Харин уг автомат машины санааг гаргасан 46 настай энтрепренер Буколо хариуд нь "Би пиццаны газруудтай өрсөлдөх гээгүй юм шүү. Зүгээр л пиццанд хайртай ард түмэнд өөр сонголтыг л бий болгож байгаа юм" хэмээжээ. Мөн шинэхэн бизнесийн санаа нь сониуч хүмүүсийн анхаарлыг татна гэж тэрбээр итгэж байгаа аж.

Пиццаны машин нэг удаагийн дүүргэлтээр 100 ширхэгийг үйлдвэрлэх хүчин чадалтай бөгөөд тэр дор нь жорын дагуу ус гурилыг хольж зуураад, захиалгын дагуу хоолны материалыг өрж тавин хэт ягаан туяаны зууханд болгож өгдөг байна. Энэ үйл явцыг шилэн хоргоны цаанаас ажиглан зогсох нь хүүхдүүдэд таалагдаж байгааг эцэг эхчүүд хэлжээ. Түүнчлэн таксины жолооч гэх мэт хоолны газрууд хаасан, шөнийн цагаар ажилладаг хүмүүст хүссэн үедээ халуун пицца идэх боломжийг олгож байгаа аж. 

Хоол шүүмжлэгч Валенти хэлэхдээ "Пиццан дээр ханборгоцой тавихаас эмээдэггүй хүмүүс байдаг. Энэ нь интернет орчинд хошигнол төдий боловч Италид хууль бус зүйл! Пиццаны машин эхэндээ хүмүүсийн анхаарлыг татах ч италичуудад лав хооллож буй мэдрэмж өгөхгүй байх" гэжээ. Харин шүүмжлэгч Дариа Куомо автомат машины пиццаг амсаж үзээд "Гурил бэлдэх хугацаа хангалтгүй, арга барил нь хэтэрхий зэрлэг, гадаад төрх нь царай муутай ч робот хийсэн гэхэд амт нь боломжийн болсон" гэж дүгнэжээ.


Эх сурвалж: The New York Times

Хамгийн их уншилттай
1
2021.07.14
Чойбалсангийн Хулан: Асуух ёстой нь асуулгүй, ярих ёстой нь ярилгүй үлдэж дээ
2
2021.07.21
Олимпын тамирчдын олныг гайхшруулсан 24 зураг
3
2021.07.07
Санамсаргүй байдлаар авьяас чадвараа олонд нээсэн 15 АЛДАРТАН
холбоотой мэдээ
1
3 өдрийн өмнө
Токиогийн олимпод 168 ЛГБТИК+ тамирчид оролцож байна
2
3 өдрийн өмнө
Симона Байлс: Би зүгээр л өмнөх шигээ өөртөө итгэлтэй биш байна
3
4 өдрийн өмнө
Дуучин Лэйди Гагатай дэндүү адилхан тамирчин олныг төөрөгдүүллээ
санал болгох
1
8 цагийн өмнө
Booker Prize 2021: Шри Ланка, Канад, Өмнөд Африк зохиолч шалгарлаа
2
3 өдрийн өмнө
Токиогийн олимпод 168 ЛГБТИК+ тамирчид оролцож байна
3
3 өдрийн өмнө
Японд зөвхөн царай муутай хүнд л татагддаг "Bususen" гэх хүмүүс байдаг

Энэ мэдээнд өгөх таны сэтгэгдэл?
0
0
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.