Испани залуусыг эцэг эхийнхээ гэрээс явбал сар бүр ТЭТГЭМЖ олгоно
Испани улсын 30 хүртэлх насны залуусын 80 хувь нь "төрсөн" буюу эцэг эхийнхээ гэрт амьдарч байна. Ажил эрхэлдэг залуус тусдаа гарахын тулд орлогоосоо 60 хувийг илүү зарцуулах шаардлага тулгардаг бөгөөд байр түрээслэх санхүүгийн боломжгүйн учраас тусдаа гарч чаддаггүй аж.
Тэгвэл тус улсын Ерөнхийлөгч Педро Санчес насанд хүрсэн залуусыг эцэг эхийнхээ гэрээс явж, тусдаа гарвал байр түрээсийн зардалд нь зориулан сар бүр 290 ам.долларын тэтгэмж олгох тухай мэдэгдлээ. Сарын дундаж орлого нь 2,285 ам.доллар ба түүнээс доош орлоготой 18-35 насны залууст уг тэтгэмжийг олгох бөгөөд залуусын өсөлт, хөгжлийг нэмэгдүүлэх онцгой үр дүнтэй гэж үзжээ. Уг санаачлагыг ирэх оноос хэрэгжүүлэхээр төлөвлөж байна.
Тус улсын 25 хүртэлх залуусын дундах ажилгүйдлийн төвшин 33 хувь байгаа нь Европт дээгүүр бичигдэх үзүүлэлт юм.
Эх сурвалж: BBC