1 мин

Украйны онгоцны үйлчлэгч нар өмд, пүүз бүхий дүрэмт хувцастай болжээ

Г.Сүрэн 2021.10.14

Агаарын тээврийн компаниуд онгоцны үйлчлэгч охид эмэгтэйчүүдийг өндөр өсгийт, бариу дүрэмт хувцас өмсөхийг шаарддаг.

Тэгвэл Украйны "SkyUp" компаний онгоцны үйлчлэгч нар биед эвтэйхэн, олон цагийн нислэгийн үеэр алжааж ядрахааргүй пүүз, сул загварын өмд бүхий дүрэмт хувцастай болжээ.

Өмнө нь:

Одоо:

Бариу загварын даашинз, бошинз, өндөр өсгийтэй гутал өмсөх нь онгоцны үйлчлэгч нарт тухгүйгээс гадна гэнэтийн яаралтай үед хөдөлгөөн хязгаарлах сул талтай юм. Мөн онгоцны үйлчлэгч нарыг гоолиг биеэ харуулан загвар өмсөгч мэт хувцасласан байхыг шаарддаг нийгмийн хандлага нь "буруу" гэдгийг тус компани мэдэгдэн уриалжээ. Өнгөрсөн онд #MeToo хөдөлгөөний үеэр АНУ-д л гэхэд онгоцны эмэгтэй үйлчлэгчдийн 68 хувь нь ажлын байрандаа ямар нэгэн байдлаар бэлгийн халдлагад өртөж байснаа мэдэгдэж байв. Мөн 35 хувь нь "үгэн" хэлбэрийн бэлгийн хүчирхийлэлд өртсөн бол 18 хувь нь зорчигчдын зүгээс бие махбодын хүчирхийлэлд өртөж байсан тухай судалгаа бий.

"Бэлгийн хүчирхийлэл хувцаснаас шалтгаалдаггүй. Хүчирхийлэгч, бүдүүлэг хүмүүс хэзээд тиймээрээ л байдаг. Холливудын кинонд онгоцны үйлчлэгч бүсгүйчүүдийг "халуухан", "сээтгэнүүр" дүрсэлдэг ч нийгэмд тогтсон энэ хандлага нь тэдэнд бэлгийн дарамт мэдрүүлж байна. Онгоцны үйлчлэгч охид эмэгтэйчүүд ажлын байрандаа эвтэйхэн, таатай хувцаслах эрхтэй" гэж уг загварыг зохиосон Украйны GUDU брэнд мэдэгджээ.