1 мин

Эрээн хаагдав

Б.Энхцэцэг 2021.10.14 1

Замын-Үүд, Эрээний хилийн боомтыг коронавирусийн тархалтын улмаас өнөө өглөө хаасан тухай мэдээллийг албаны эх сурвалжууд нотолж байна. Монгол Улсын Гадаад харилцааны яам болон Хил хамгаалах ерөнхий газраас Замын-Үүд, Эрээний хилийн авто замын боомтыг тодорхойгүй хугацаагаар хязгаарласан, харин төмөр замын боомтын үйл ажиллагаа хараахан хэвийн үргэлжилж байгааг мэдээлсэн байна. 

Эрээн хотын иргэн тус бүрийг гурван удаа шинжилгээнд хамруулж дууссаны дараа  Замын-Үүд, Эрээний хилийн боомтыг нээх хугацааг товлох бололтой. Эрээн хот дахь албан бус эх сурвалжийн хэлснээр, өнөөдөр Эрээн хотын нэг иргэнээс ковидын халдвар илэрсэн бөгөөд хотод гурав хоногийн хэсэгчилсэн хөл хорио тогтоосон байна. Хүнсний дэлгүүрээс бусад зах зээлийн газруудыг мөн хааж, иргэд нь олон цагаар дугаар үүсгэн хоол хүнсээ базааж эхэлжээ. Түүнчлэн 15 монгол жолоочийн шинжилгээ эерэг гарч, тэдний зарим нь эрчимт эмчилгээнд шилжсэн гэх яриа Эрээн дэх монголчуудын дунд тархсан байна. 

Б.Энхцэцэг 2021.10.14