1 мин

Сэтгүүл зүйн оюутнуудад “Улс төрийг мэдрэмжтэй мэдээлэх нь” сургалт зохион байгуулав

Ж.Мөнхзул 2021.12.14 4 1

8

Жендэрийн мэдрэмжтэй сэтгүүл зүйн төлөөх “Мэдрэмжтэй мэдээлье” нэгдлээс сэтгүүл зүйн мэргэжлээр суралцаж буй оюутнуудад улс төрийг мэдрэмжтэй мэдээлэн, сурвалжлах, хэвлэл мэдээллийн агуулга дахь жендэрийн тэгш бус байдал, хэвшмэл ойлголтоос ангид ажиллах ур чадвар эзэмшүүлэх зорилготой сургалт зохион байгууллаа.

МУИС, Хүмүүнлэгийн Ухааны Их Сургуулийн оюутнууд оролцсон тус сургалтыг Хэвлэл мэдээллийн зөвлөлийн хараат бус зөвлөх Д.Мөнхчимэг, МУИС-ийн багш Б.Баярмаа, Хүмүүнлэгийн ухааны их сургуулийн багш Б.Ариун, МҮОНР-ийн сэтгүүлч Э. Ганхуяг нар удирдан явуулав.

Зураг	Тайлбар

Багш, оюутнууд шийдвэр гаргах түвшин дэх эмэгтэйчүүдийн оролцоо, тэднийг эх сурвалжаа болгож буй хэвлэл мэдээллийн үйл ажиллагааны хангалтгүй байдал, нийгэмд ноёлдог хүйсийн хэвшмэл ойлголт, эмэгтэйчүүдийг чиглэсэн үзэн ядах үг хэллэг зэргийн тухай ярилцаж, олон улсын хэвлэл мэдээллүүдийн сайн жишээдийг сонгон хэлэлцсэн юм.

Тухайлбал Bloomberg, BBC зэрэг мэдээллийн томоохон компани, корпорациуд нийтлэлийн бодлоготоо хүйсийн тэгш харилцаа, эх сурвалжийн эн тэнцүү байдлыг хангахын тулд нэвтрүүлсэн аргачлал, бодлоготой танилцаж, багаар ажиллан, дүн шинжилгээ хийв.

Мөн эмэгтэйчүүдээс шаарддаг нийгмийн өндөр хүлээлт, төгс сайн ээж, эхнэр байх, төгс ажилтан, албан хаагч, улс төрч байх шаардлага зэрэг нь хэвлэл мэдээллийн хэрэгслийн үйл ажиллагаа, агуулгат хэрхэн нөлөөлдөг, улмаар эмэгтэйчүүдийг үзэн ядах үг хэллэг хэрхэн даамжирч, нийгмийн хэвшмэл ойлголтыг улам бат бөх болгодог тухай ярилцлаа.

Ж.Мөнхзул 2021.12.14

8